തിരുവനന്തപുരം: അഖിലേന്ത്യാ മെഡിക്കൽ പ്രവേശന പരീക്ഷയായ നീറ്റിൽ തിളക്കമാർന്ന നേട്ടം കൈവരിച്ച പ്രമുഖ എൻട്രൻസ് പരിശീലന കേന്ദ്രമായ സഫയറിൽ നീറ്റ്- ജെ.ഇ.ഇ റിപ്പീറ്റേഴ്സ് ആദ്യ ബാച്ച് 28 ന് ആരംഭിക്കും. ആദ്യ അവസരത്തിൽ 500 മാർക്കിനു മുകളിൽ ലഭിച്ചവർക്ക് നൂറു ശതമാനം സ്കോളർ‌ഷിപ്പോടെ സഫയറിൽ പരിശീലനം നേടാം. പുതിയ ബാച്ചുകൾക്ക് ഓൺലൈൻ ആയും,​ കൊവിഡ് നിയന്ത്രണങ്ങൾ ഒഴിവാകുന്നതോടെ ഓഫ്‌ലൈൻ ആയും ക്ളാസുകൾ നടക്കും.

നീറ്റ്,​ വിവിധ എൻജിനിയറിംഗ് പ്രവേശന പരീക്ഷകൾ എന്നിവ ലക്ഷ്യമിടുന്ന പത്താം ക്ളാസ് വിദ്യാർത്ഥികൾക്കുള്ള സെനിത് ബാച്ചിലേക്കുള്ള പ്രവേശന പരീക്ഷ (ടാലന്റ് ടെസ്റ്റ്,​ സ്ക്രീനിംഗ് കം സ്കോളർഷിപ്പ് ടെസ്റ്റ്)​ ഡിസംബർ ആറിന് നടക്കും. ഇതിലേക്കുള്ള ഓൺലൈൻ രജിസ്ട്രേഷൻ തുടരുന്നു. നീറ്റ്,​ ജെ.ഇ.ഇ മെയിൻ,​ കീം പരീക്ഷാ പരിശീലനത്തിനായി വിദഗ്ദ്ധ അദ്ധ്യാപകർ തയ്യാറാക്കിയ 25 ടെസ്റ്റുകൾ ഉൾപ്പെട്ട 'സിയോട്സ്' ടെസ്റ്റ് സീരീസ് ആണ് സഫയറിന്റെ പ്രത്യേകത. ആൺകുട്ടികൾക്കും പെൺകുട്ടികൾക്കും എ.സി- നോൺ എ.സി വിഭാഗങ്ങളിലായി പ്രത്യേകം ഹോസ്റ്റൽ സൗകര്യവും സഫയർ ഒരുക്കിയിട്ടുണ്ട്.

ഇക്കഴിഞ്ഞ നീറ്റ് പരീക്ഷയിൽ ദേശീയ,​ സംസ്ഥാന തലങ്ങളിലായി അറുന്നൂറോളം വിദ്യാർത്ഥികളാണ് സഫയറിലൂടെ എം.ബി.ബി.എസ് പ്രവേശനത്തിന് അർഹരായത്. റിപ്പീറ്റേഴ്സ് ബാച്ചിൽ നിന്ന് അഖിലേന്ത്യാ തലത്തിൽ 88-ാം റാങ്ക് നേടിയ ആർ. അരവിന്ദ് കൃഷ്ണൻ,​ സ്കൂൾ ഗോയിംഗ് ബാച്ചിൽ നിന്ന് ആദ്യ ഉദ്യമത്തിൽത്തന്നെ 695 മാർക്കോടെ തിരുവനന്തപുരം ടോപ്പർ ആയ എ.എ. ആഷിക് എന്നിവർക്ക് സഫയറിന്റെ ക്യാഷ് അവാർഡ് മാനേജിംഗ് ഡയറക്ടർ ഡോ. വി. സുനിൽകുമാർ സമ്മാനിച്ചു. കോഴ്സുകളെക്കുറിച്ചുള്ള വിശദാംശങ്ങൾക്ക് 0471- 2574080,​ 9048473040 എന്നീ നമ്പറുകളിൽ ബന്ധപ്പെടണം.