ഇടുക്കി: പോണ്ടിച്ചേരി കേന്ദ്ര സർവകലാശാലയുടെ മാഹി കേന്ദ്രത്തിലെ ഡിഗ്രിഡിപ്ലോമ കോഴ്സുകളിലേക്ക് പ്രവേശനത്തിനുള്ള അപേക്ഷ സ്വീകരിക്കുന്ന അവസാന തിയതി ഒക്ടോബർ 20 വരെ നീട്ടി. ജേണലിസം, ഫാഷൻ ടെക്‌നോളജി എന്നിവയിൽ മൂന്നുവർഷത്തെ തൊഴിലധിഷ്ഠിത ഡിഗ്രിയ്ക്കും ടൂറിസം, റേഡിയോഗ്രഫി എന്നിവയിൽ ഒരുവർഷത്തെ ഡിപ്ലോമയ്ക്കുമാണ് അപേക്ഷ ക്ഷണിച്ചിരുന്നത്. പ്ലസ്ടു അല്ലെങ്കിൽ തുല്യയോഗ്യതയുള്ള എല്ലാ വിദ്യാർത്ഥികൾക്കും അപേക്ഷിക്കാം.

അപേക്ഷാഫോം https://bit.ly/3gVXIxu എന്ന ലിങ്കിലും മാഹി കേന്ദ്രത്തിലും ലഭ്യമാണ്. അപേക്ഷ പൂരിപ്പിച്ച് സെന്റർ ഹെഡ്, പോണ്ടിച്ചേരി യൂണിവേഴ്സിറ്റി മാഹി സെന്റർ, സെമിത്തേരി റോഡ്, മാഹി, 673310 എന്ന വിലാസത്തിൽ അയക്കുകയോ നേരിട്ട് കൈമാറുകയോ ചെയ്യാം. തപാലിൽ അയക്കുന്നവർ അപേക്ഷഫോമിനൊപ്പം സ്വന്തം വിലാസമെഴുതി 60 രൂപയുടെ സറ്റാമ്പ് ഒട്ടിച്ച പോസ്റ്റ് കവറും ഫിനാൻസ് ഓഫീസർ, പോണ്ടിച്ചേരി യൂണിവേഴ്സിറ്റി (മാഹിയിൽ മാറാവുന്ന) എന്ന വിലാസത്തിൽ അപേക്ഷാഫോം ഫീസായ നൂറുരൂപയുടെ ഡിമാൻഡ് ഡ്രാഫ്ടും അയക്കേണ്ടതാണ്. വിവരങ്ങൾക്ക് ഫോൺ: 9207982622, 04902332622.