വാഗമൺ : മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തിൽ മേഖലയിലെ കർഷകർക്ക് ഓൺലൈൻ പരിശീലനം നൽകുന്നു. നിലവിൽ പ്രവർത്തനങ്ങളിൽ ഏർപ്പെട്ടിരിക്കുന്നവർക്കും പുതുതായി പദ്ധതികൾ തുടങ്ങാൻ ഉദ്ദേശിക്കുന്നവർക്കും പങ്കെടുക്കാം. രണ്ടു മണിമുതൽ നാലു വരെയായിരിക്കും സമയം.

ഒക്ടോബർ ഒൻപതിന് ആടുവളർത്തൽ, ഒക്ടോബർ പതിനാറിന് പശു പരിപാലനം, ഒക്ടോബർ 23ന് മുട്ടക്കോഴി വളർത്തൽ, ഒക്‌ടോബർ 30ന് മുയൽ വളർത്തൽ എന്നിവയിലാണ് പരിശീലനം. താല്പര്യമുള്ളവർ 9446131618, 9744276759 എന്നീ നമ്പറിൽ വിളിച്ച് രജിസ്റ്റർ ചെയ്യുക. ഇതിനോടകം രജിസ്റ്റർ ചെയ്തിട്ടുള്ളവർ ഇനി ചെയ്യേണ്ടതില്ല. പരിശീലനവുമായി ബന്ധപ്പെട്ട തുടർവിവരങ്ങൾ രജിസ്റ്റർ ചെയ്തവരെ ഫോണിലൂടെ അറിയിക്കും.