പീരുമേട്: കൊവിഡ് ട്രീറ്റ്‌മെന്റ് സെന്ററിൽ രോഗിയായ എ.എസ്.ഐയുടെ അതിക്രമം. മദ്യപിച്ചെത്തിയ ഇയാൾ മറ്റ് രോഗികൾക്ക് നേരെ തുപ്പുകയും പരസ്യമായി മൂത്രമൊഴിക്കുകയും ചെയ്തതായി പരാതി. ഡോക്ടർമാരെ കയ്യേറ്റം ചെയ്യാനും ശ്രമമുണ്ടായി. വണ്ടിപ്പെരിയാർ സ്റ്റേഷനിലെ എ.എസ്.ഐ യെ രോഗം സ്ഥിരീകരിച്ചതിനെ തുടർന്ന് ഇന്നലെ വെകുന്നേരമാണ് കുട്ടിക്കാനത്തെ കൊവിഡ് സെന്ററിൽ എത്തിച്ചത്. വീട്ടിൽ നിരീക്ഷണത്തിലിരിക്കാൻ സൗകര്യമില്ലാത്തതിനാലാണ് ഇവിടെ എത്തിച്ചത്. ഒരു മണിക്കൂറോളം അതിക്രമം കാട്ടിയ ഇയാളെ ഏറെ പണിപ്പെപ്പെട്ടാണ് ഡോക്ടർമാർ മറ്റൊരു മുറിയിലേക്ക് മാറ്റിയത്. പൊലീസ് ഉദ്യാേഗസ്ഥനെതിരെ നടപടി ആവശ്യപ്പെട്ട് ആശുപത്രി സൂപ്രണ്ട് ഡോ.മനോജ് പീരുമേട് പൊലീസിൽ പരാതി നൽകി.