കാസർകോട്: ജില്ലയിൽ 471 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 453 പേർക്കും ഇതരസംസ്ഥാനത്ത് നിന്നെത്തിയ 10 പേർക്കും വിദേശത്ത് നിന്നെത്തിയ എട്ട് പേർക്കുമാണ് ഇന്നലെ കൊവിഡ് സ്ഥിരീകരിച്ചത്. 310 പേർ ഇന്നലെ രോഗമുക്തരായി.

ജില്ലയിൽ ഇതുവരെ കൊവിഡ് സ്ഥിരീകരിച്ചത് 11258 പേർക്കാണ്. ഇതിൽ 739 പേർ വിദേശത്ത് നിന്നെത്തിയവരും 569 പേർ ഇതരസംസ്ഥാനത്ത് നിന്നെത്തിയവരും 9950 പേർക്ക് സമ്പർക്കത്തിലൂടെയുമാണ് രോഗം ബാധിച്ചത്. 8250 പേർ ഇതുവരെ രോഗമുക്തരായി. നിലവിൽ 2917 പേരാണ് ജില്ലയിൽ കൊവിഡ് ചികിത്സയിലുള്ളത്. ഇതിൽ 1513 പേർ വീടുകളിലാണ്.

വീടുകളിൽ 3161 പേരും സ്ഥാപനങ്ങളിൽ 1270 പേരുമുൾപ്പെടെ നിരീക്ഷണത്തിലുള്ളത് 4431 പേരാണ്. പുതിയതായി 299 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1479 സാമ്പിളുകൾ കൂടി പരിശോധനയ്ക്ക് അയച്ചു. 431 പേരുടെ പരിശോധനാ ഫലം ലഭിക്കാനുണ്ട്.