കണ്ണൂർ: ജില്ലയിൽ 555 പേർക്ക് ഇന്നലെ കൊവിഡ് 19 സ്ഥിരീകരിച്ചു. 481 പേർക്ക് സമ്പർക്കം മൂലമാണ് രോഗബാധ. ഒരാൾ വിദേശത്തു നിന്നും 44 പേർ ഇതര സംസ്ഥാനങ്ങളിൽ നിന്നും എത്തിയവരും 29 പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽറിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 13,521 ആയി. ഇവരിൽ ഇന്നലെ രോഗമുക്തി നേടിയ 111 പേരടക്കം രോഗം ഭേദമായവരുടെ എണ്ണം 7484 ആയി. 5377 പേർ ചികിത്സയിലാണ്. ഇവരിൽ 4143 പേർ വീടുകളിലും ബാക്കി 1234 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.

ജില്ലയിൽ നിലവിൽ നിരീക്ഷണത്തിലുള്ളത് 15,811 പേരാണ്. ഇതിൽ 14,424 പേർ വീടുകളിലും 1387 പേർ ആശുപത്രികളിലുമാണ്. ഇതുവരെ 1,40,003 സാമ്പിളുകൾ പരിശോധനയ്ക്ക് അയച്ചതിൽ 1,39,425 എണ്ണത്തിന്റെ ഫലം വന്നു. 578 എണ്ണത്തിന്റെ ഫലം ലഭിക്കാനുണ്ട്.