കാസർകോട്: ജില്ലയിൽ 416 പേർക്ക് കൂടി കൊവിഡ് 19 സ്ഥിരീകരിച്ചു. സമ്പർക്കത്തിലൂടെ 398 പേർക്കും ഇതരസംസ്ഥാനത്ത് നിന്നെത്തിയ ആറ് പേർക്കും വിദേശത്ത് നിന്നെത്തിയ 12 പേർക്കുമാണ് ഇന്നലെ കൊവിഡ് സ്ഥിരീകരിച്ചത്. 202 പേർ ഇന്നലെ രോഗമുക്തരായി.

12,892 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. ഇതിൽ 783 പേർ വിദേശത്ത് നിന്നെത്തിയവരും 603 പേർ ഇതരസംസ്ഥാനത്ത് നിന്നെത്തിയവരും 11,506 പേർക്ക് സമ്പർക്കത്തിലൂടെയുമാണ് രോഗം സ്ഥിരീകരിച്ചത്. 9106 പേർ രോഗമുക്തരായി. നിലവിൽ 3678 പേരാണ് കൊവിഡ് ചികിത്സയിലുള്ളത്. ഇതിൽ 2101 പേർ വീടുകളിലാണ്.

നിരീക്ഷണത്തിലുള്ള 4546 പേരിൽ 3286 പേർ വീടുകളിലും 1260 സ്ഥാപനങ്ങളിലുമാണ്. പുതിയതായി 275 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 2151 സാമ്പിളുകൾ കൂടി പരിശോധനയ്ക്ക് അയച്ചു. 455 പേരുടെ പരിശോധനാ ഫലം ലഭിക്കാനുണ്ട്.