520 പേർക്ക് സമ്പർക്കം

കണ്ണൂർ: ജില്ലയിൽ 556 പേർക്ക് ഇന്നലെ കൊവിഡ് 19 സ്ഥിരീകരിച്ചു. 520 പേർക്ക് സമ്പർക്കം മൂലമാണ് രോഗബാധ. മൂന്നു പേർ വിദേശത്തു നിന്നും 16 പേർ ഇതര സംസ്ഥാനങ്ങളിൽ നിന്നും എത്തിയവരും 17 പേർ ആരോഗ്യ പ്രവർത്തകരുമാണ്.
ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 15,940 ആയി. ഇന്നലെ രോഗമുക്തി നേടിയ ഇവരിൽ 489 പേരുൾപ്പെടെ രോഗം ഭേദമായവരുടെ എണ്ണം 9957 ആയി. 5291 പേർ ചികിത്സയിലാണ്. ഇതിൽ 4082 പേർ വീടുകളിലും ബാക്കി 1111 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.
നിലവിൽ നിരീക്ഷണത്തിലുള്ള 15,592 പേരിൽ 14,347 പേർ വീടുകളിലും 1245 പേർ ആശുപത്രികളിലുമാണ് കഴിയുന്നത്. ഇതുവരെ 1,53,535 സാമ്പിളുകൾ പരിശോധനയ്ക്ക് അയച്ചതിൽ 1,52,732 എണ്ണത്തിന്റെ ഫലം വന്നു. 803 എണ്ണത്തിന്റെ ഫലം ലഭിക്കാനുണ്ട്.