കൂ​ത്തു​പ​റ​മ്പ്: വ​ള​ർ​ത്തു​പൂ​ച്ച​യെ ര​ക്ഷ​പ്പെ​ടു​ത്താ​ൻ 24 കോ​ൽ ആ​ഴ​മു​ള്ള കി​ണ​റി​ൽ ഇ​റ​ങ്ങി സാ​ഹ​സം കാ​ട്ടി​യ ക​ണ്ണ​വം വെ​ങ്ങ​ളം കോ​ള​നി​യി​ലെ പി.​ അ​ർ​ച്ച​ന കൃ​ഷ്ണ​ൻ ഇ​പ്പോ​ൾ നാ​ട്ടി​ലെ താ​ര​മാ​ണ്. വെ​ള്ളി​യാ​ഴ്ച രാ​വി​ലെ​യാ​യി​രു​ന്നു വീ​ട്ടു​കി​ണ​റ്റി​ൽ വീ​ണ വ​ള​ർ​ത്തു​പൂ​ച്ച​യെ ര​ക്ഷ​പ്പെ​ടു​ത്താ​ൻ 19 കാ​രി​യാ​യ അ​ർ​ച്ച​ന ക​യർ ഉപയോഗിച്ച് കി​ണ​റ്റി​ൽ ഇ​റ​ങ്ങി​യ​ത്.

കിണറ്റിൽ വീണ പൂച്ചയെ രക്ഷിക്കാൻ വഴികൾ പലതുണ്ടാകാം.പക്ഷേ, ദൈന്യതയാർന്ന ഒരു നിലവിളി 24 കോൽ താഴ്ചയിൽ നിന്നു കാതുകളിൽ വന്നലച്ചപ്പോൾ കണ്ണവം വെങ്ങളം കോളനിയിലെ ആരാമത്തിൽ അർച്ചനയുടെ മനസ്സിൽ തെളിഞ്ഞത് സാഹിസകമായ ഈ വഴി മാത്രമായിരുന്നു. സ്വന്തം ജീവനെക്കുറിച്ച് ആവലാതിയില്ലാതെ പൂച്ചയെക്കുറിച്ച് മാത്രമായിരുന്നു ചിന്ത. പൂ​ച്ച​യെ ര​ക്ഷ​പ്പെ​ടു​ത്തി​യെ​ങ്കി​ലും കൽ​പ്പ​ട​വു​ക​ളി​ലെ വ​ഴു​ക്ക​ൽ കാ​ര​ണം കുടുങ്ങിയ അർച്ചനയെ ഒ​ടു​വി​ൽ അ​ഗ്നിശമന​സേ​ന​യു​ടെ സ​ഹാ​യ​ത്തോ​ടെ​യാ​ണ് പു​റ​ത്തെ​ത്തി​ച്ച​ത്. കൂത്തുപറമ്പിലെ സ്വകാര്യ കോളജിലെ രണ്ടാം വർഷ ബിരുദ ചരിത്ര വിദ്യാർത്ഥിനിയാണ് അർച്ചന.

സിവിൽ ഡിഫൻസ് സേനയിലേക്കും ക്ഷണം

അ​ഗ്നി​ശമന സേ​ന ഓ​ഫീ​സ​ർ പി.​ഷ​നി​ത്ത് അ​ർ​ച്ച​ന​യെ സേ​ന​യു​ടെ സ​ന്ന​ദ്ധസേ​നാ​വി​ഭാ​ഗ​മാ​യ സി​വി​ൽ ഡി​ഫ​ൻ​സ് അം​ഗ​മാ​ക്കാ​മെ​ന്ന് അ​റി​യി​ച്ചിട്ടുണ്ട്. അർ​ച്ച​ന​യു​ടെ സാ​ഹ​സി​ക​ത സ​മൂ​ഹ​മാദ്ധ്യ​മ​ങ്ങ​ളി​ൽ പ്ര​ച​രി​ച്ച​തോ​ടെ കൂ​ത്തു​പ​റ​മ്പി​ലെ പി​.എ​സ്‌​.സി കോ​ച്ചിം​ഗ് സെ​ന്ററി​ൽ​നി​ന്ന് അ​ധി​കൃ​ത​ർ അ​ർ​ച്ച​ന​യെ തേ​ടി​യെ​ത്തി. സാ​ഹ​സി​ക​ത​യും ധൈ​ര്യ​വു​മു​ള്ള പെ​ൺ​കു​ട്ടി​ക​ളെ പ്രോ​ത്സാ​ഹി​പ്പി​ക്കു​ന്ന​തിന്റെ ഭാ​ഗ​മാ​യി പൊ​ലീ​സ്, ഫ​യ​ർ​ഫോ​ഴ്സ് തു​ട​ങ്ങി​യ മ​ത്സ​ര പ​രീ​ക്ഷ​യി​ൽ സൗ​ജ​ന്യ പ​രി​ശീ​ല​നം ന​ൽ​കാ​ൻ അ​ധി​കൃ​ത​ർ തീ​രു​മാ​നി​ക്കു​ക​യാ​യി​രു​ന്നു.

നീന്തലറിയാത്ത അർച്ചനയ്ക്ക് തുണയായത് ഫയർഫോഴ്സ്...

നീന്തലറിയാത്ത അർച്ചനയെ രക്ഷിക്കാൻ ഫയർഫോഴ്സ് വേണ്ടി വന്നു. പടവുകളിൽ വഴുക്കൽ കാരണം തിരിച്ചുകയറാനുള്ള അർച്ചനയുടെ ശ്രമം പാളി. അഞ്ചു കോൽ വെള്ളമുള്ള കിണറ്റിൽ അരമണിക്കൂർ കുടുങ്ങിയ അർച്ചനയെ കൂത്തുപറമ്പ് ഫയർഫോഴ്സിലെ ഉദ്യോഗസ്ഥരും നാട്ടുകാരും ചേർന്നു രക്ഷപ്പെടുത്തി. അപ്പോഴും ആ പൂച്ചയെ അർച്ചന ചേർത്തുപിടിച്ചിരുന്നു. ആവശ്യമായ സുരക്ഷാ മുൻകരുതലുകളില്ലാതെ ആരും ഇത്തരം സാഹസിക പ്രവർത്തനങ്ങൾക്കു മുതിരരുതെന്നാണ് ഫയർഫോഴ്സ് ഉദ്യോഗസ്ഥരുടെ അഭിപ്രായം.