375 പേർക്ക് സമ്പർക്കം

കണ്ണൂർ: ജില്ലയിൽ 413 പേർക്ക് ഇന്നലെ കൊവിഡ് 19 സ്ഥിരീകരിച്ചു. 375 പേർക്ക് സമ്പർക്കം മൂലമാണ് രോഗബാധ. അഞ്ചു പേർ വിദേശത്തു നിന്നും 13 പേർ ഇതര സംസ്ഥാനങ്ങളിൽ നിന്നും എത്തിയവരും 20 പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 17,080 ആയി. ഇവരിൽ 350 പേർ ഇന്നലെ രോഗമുക്തി നേടി. അതോടെ രോഗം ഭേദമായവരുടെ എണ്ണം 10,645 ആയി. 5882 പേർ ചികിത്സയിലാണ്. ഇതിൽ 4784 പേർ വീടുകളിലും ബാക്കി 1098 പേർ വിവിധ ആശുപത്രികളിലും സി.എഫ്.എൽ.ടി.സികളിലുമായാണ് കഴിയുന്നത്.
നിലവിൽ ജില്ലയിൽ നിരീക്ഷണത്തിലുള്ളത് 16,460 പേരാണ്. ഇതിൽ 15,357 പേർ വീടുകളിലും 1103 പേർ ആശുപത്രികളിലുമാണ്. ഇതുവരെ 1,59,593 സാമ്പിളുകൾ പരിശോധനയ്ക്ക് അയച്ചതിൽ 1,58,910 എണ്ണത്തിന്റെ ഫലം വന്നു. 683 എണ്ണത്തിന്റെ ഫലം ലഭിക്കാനുണ്ട്.