കാസർകോട്: ജില്ലയിൽ 224 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 213 പേർക്കും ഇതരസംസ്ഥാനത്ത് നിന്നെത്തിയ 4 പേർക്കും വിദേശത്ത് നിന്നെത്തിയ ഒരാളും, ഉറവിടം ലഭ്യമല്ലാത്ത 6 പേർക്കുമാണ് ഇന്നലെ കൊവിഡ് സ്ഥിരീകരിച്ചത്. അതേസമയം ഇന്നലെ 353 പേർക്ക് കൊവിഡ് നെഗറ്റീവായി.

ജില്ലയിൽ 15,549 പേർക്കാണ് ഇതുവരെ കൊവിഡ് സ്ഥിരീകരിച്ചത്. ഇതിൽ 908 പേർ വിദേശത്ത് നിന്നെത്തിയവരും 682 പേർ ഇതരസംസ്ഥാനത്ത് നിന്നെത്തിയവരും 13,959 പേർക്ക് സമ്പർക്കത്തിലൂടെയിമാണ് രോഗം സ്ഥിരീകരിച്ചത്. 11,781 പേർക്ക് ഇതുവരെ കൊവിഡ് നെഗറ്റീവായി. 3626 പേരാണ് നിലവിൽ ചികിത്സയിലുള്ളത്. ഇതിൽ 2222 വീടുകളിൽ ചികിത്സയിലാണ്

വീടുകളിൽ 3468 പേരും സ്ഥാപനങ്ങളിൽ 1156 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 4624 പേരാണ്. പുതിയതായി 208 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1537 സാമ്പിളുകൾ കൂടി പരിശോധനയ്ക്ക് അയച്ചു. 377 പേരുടെ പരിശോധനാ ഫലം ലഭിക്കാനുണ്ട്.