514 പേർക്ക് സമ്പർക്കം

കണ്ണൂർ: ജില്ലയിൽ 557 പേർക്ക് കൂടി കൊവിഡ് 19 സ്ഥിരീകരിച്ചു. 514 പേർക്ക് സമ്പർക്കം മൂലമാണ് രോഗബാധ. ഏഴ് പേർ വിദേശത്തു നിന്നും 13 പേർ ഇതര സംസ്ഥാനങ്ങളിൽ നിന്നും എത്തിയവരും 23 പേർ ആരോഗ്യ പ്രവർത്തകരുമാണ്.
ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 18,584 ആയി. ഇവരിൽ 643 പേർ ഇന്ന് രോഗമുക്തി നേടി. അതോടെ രോഗം ഭേദമായവരുടെ എണ്ണം 12,304 ആയി. 71 പേർ കൊവിഡ് മൂലം മരണപ്പെട്ടു. 5549 പേർ നിലവിൽ ചികിത്സയിലാണ്.

ഇതിൽ 4662 പേർ വീടുകളിലും ബാക്കി 887 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ് ചികിത്സയിൽ കഴിയുന്നത്.

ജില്ലയിൽ നിലവിൽ നിരീക്ഷണത്തിലുള്ളത് 16,087 പേരാണ്. ഇതിൽ 15041 പേർ വീടുകളിലും 1046 പേർ ആശുപത്രികളിലുമാണ്. ഇതുവരെ 1,68,269 സാമ്പിളുകൾ പരിശോധനയ്ക്ക് അയച്ചതിൽ 1,67,852 എണ്ണത്തിന്റെ ഫലം വന്നു. 417 എണ്ണത്തിന്റെ ഫലം ലഭിക്കാനുണ്ട്.