കാഞ്ഞങ്ങാട്: കെ.എസ്.ടി.പി റോഡിൽ മാതോത്ത് അമ്പലത്തിനു സമീപം അരനൂറ്റാണ്ടിലേറെ പഴക്കമുള്ള തണൽമരങ്ങൾ മുറിച്ചുനീക്കിയതിനെതിരെ പ്രതിഷേധം ശക്തമാകുന്നു. നന്മമരം കാഞ്ഞങ്ങാട് പ്രവർത്തകർ ഇന്നലെ രാവിലെ സ്ഥലത്തെത്തി റീത്ത് വെച്ചു. റോഡരികിലെ മൂന്ന് മരങ്ങളാണ് മുറിച്ചുനീക്കിയത്.

കെട്ടിട സൗകര്യത്തിനു വേണ്ടിയാണ് വനം വകുപ്പ് ഉദ്യോഗസ്ഥരെ സ്വാധീനിച്ച് മരങ്ങൾ വെട്ടി നീക്കിയത്. ഇവിടെ നടന്ന പ്രതിഷേധയോഗം നഗരസഭ കൗൺസിലർ സന്തോഷ് കുശാൽനഗർ ഉദ്ഘാടനം ചെയ്തു. നന്മ മരം പ്രസിഡന്റ് സലാം കേരള അധ്യക്ഷത വഹിച്ചു. അരവിന്ദൻ മാണിക്കോത്ത്, സി.പി.എം ലോക്കൽ സെക്രട്ടറി ജയപാലൻ, അഹമ്മദ് കിർമാണി എന്നിവർ സംസാരിച്ചു. രാജൻ ബാലൂർ, സി.പി ശുഭ, മൊയ്തു പടന്നക്കാട്, ലോഹിതാക്ഷൻ എന്നിവർ സംബന്ധിച്ചു. സെക്രട്ടറി എൻ. ഗംഗാധരൻ സ്വാഗതവും ട്രഷറർ ഉണ്ണിക്കൃഷ്ണൻ കിണാനൂർ നന്ദിയും പറഞ്ഞു.