കാസർകോട്: ജില്ലയിൽ ഇന്നലെ 120 പേർക്ക് കൂടി കൊവിഡ് 19 സ്ഥിരീകരിച്ചു. 107 പേർക്ക് സമ്പർക്കത്തിലൂടെയും ഏഴ് പേർ വിദേശത്ത് നിന്നെത്തിയവരും ആറ് പേർ ഇതരസംസ്ഥാനത്ത് നിന്നെത്തിയവരുമാണ്. ഇതോടെ ഇതുവരെ കൊവിഡ് സ്ഥിരീകരിച്ചവരുടെ എണ്ണം 16,745 ആയി. 3107 പേരാണ് നിലവിൽ ചികിത്സയിലുളളത്. ഇതിൽ 2370 പേർ വീടുകളിലാണ്. അതേസമയം ജില്ലയിൽ 303 പേർക്ക് ഇന്നലെ കൊവിഡ് നെഗറ്റീവായി.

വീടുകളിൽ 3698 പേരും സ്ഥാപനങ്ങളിൽ 908 പേരുമുൾപ്പെടെ ജില്ലയിൽ നിലവിൽ നിരീക്ഷണത്തിലുള്ളത് 4606 പേരാണ്. പുതിയതായി 72 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം 218 സാമ്പിളുകൾ കൂടി പരിശോധനയ്ക്ക് അയച്ചു. 110 പേരുടെ പരിശോധനാ ഫലം ലഭിക്കാനുണ്ട്.