371 പേർക്ക് സമ്പർക്കം

കണ്ണൂർ: ജില്ലയിൽ ഇന്നലെ 400 പേർക്ക് കൊവിഡ് ബാധ സ്ഥിരീകരിച്ചു. 371 പേർക്ക് സമ്പർക്കം മൂലമാണ് രോഗബാധ. മൂന്നു പേർ വിദേശത്തു നിന്നും 12 പേർ ഇതര സംസ്ഥാനങ്ങളിൽ നിന്നെത്തിയവരും 14 പേർ ആരോഗ്യ പ്രവർത്തകരുമാണ്.
ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 20,608 ആയി. ഇവരിൽ ഇന്നലെ രോഗമുക്തി നേടിയ 544 പേരടക്കം രോഗം ഭേദമായവരുടെ എണ്ണം 14,458 ആയി. 5540 പേർ ചികിത്സയിലാണ്. ഇതിൽ 4698 പേർ വീടുകളിലും ബാക്കി 842 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.
ജില്ലയിൽ നിലവിൽ നിരീക്ഷണത്തിലുള്ളത് 17,235 പേരാണ്. ഇതിൽ 16,239 പേർ വീടുകളിലും 996 പേർ ആശുപത്രികളിലുമാണ്. ഇതുവരെ 1,81,783 സാമ്പിളുകൾ പരിശോധനയ്ക്ക് അയച്ചതിൽ 1,81,190 എണ്ണത്തിന്റെ ഫലം വന്നു. 593 എണ്ണത്തിന്റെ ഫലം ലഭിക്കാനുണ്ട്.