458 പേർക്ക് സമ്പർക്കം

കണ്ണൂർ: ജില്ലയിൽ 497 പേർക്ക് ഇന്നലെ കൊവിഡ് 19 സ്ഥിരീകരിച്ചു. 458 പേർക്ക് സമ്പർക്കം മൂലമാണ് രോഗബാധ. രണ്ട് പേർ വിദേശത്തു നിന്നും 18 പേർ ഇതര സംസ്ഥാനങ്ങളിൽ നിന്ന് എത്തിയവരും 19 പേർ ആരോഗ്യ പ്രവർത്തകരുമാണ്.
ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 22,048 ആയി. ഇവരിൽ 538 പേർ ഇന്നലെ രോഗമുക്തി നേടി. അതോടെ ഇതിനകം രോഗം ഭേദമായവരുടെ എണ്ണം 15,994 ആയി. 5344 പേർ ചികിത്സയിലാണ്. ഇതിൽ 4471 പേർ വീടുകളിലും ബാക്കി 873 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.
ജില്ലയിൽ നിലവിൽ നിരീക്ഷണത്തിലുള്ളത് 17,785 പേരാണ്. ഇതിൽ 16769 പേർ വീടുകളിലും 1016 പേർ ആശുപത്രികളിലുമാണ്. ഇതുവരെ 1,89,514 സാമ്പിളുകൾ പരിശോധനയ്ക്ക് അയച്ചതിൽ 1,88,943 എണ്ണത്തിന്റെ ഫലം വന്നു. 571 എണ്ണത്തിന്റെ ഫലം ലഭിക്കാനുണ്ട്.

രോഗബാധിതർ 22,048

രോഗമുക്തർ 15,994

ചികിത്സയിൽ 5344

നിരീക്ഷണത്തിൽ 17,785