157 പേർക്ക് സമ്പർക്കം

കണ്ണൂർ: ജില്ലയിൽ 174 പേർക്ക് കൂടി കൊവിഡ് ബാധ സ്ഥിരീകരിച്ചു. 157 പേർക്ക് സമ്പർക്കം മൂലമാണ് രോഗബാധ. ഒരാൾ വിദേശത്തു നിന്നും ഏഴു പേർ ഇതര സംസ്ഥാനങ്ങളിൽ നിന്ന് എത്തിയവരും ഒമ്പതു പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 22,926 ആയി. ഇവരിൽ ഇന്നലെ 74 പേരടക്കം രോഗം ഭേദമായവരുടെ എണ്ണം 16,965 ആയി. 95 പേർ കൊവിഡ് മൂലം മരണപ്പെട്ടു. ബാക്കി 5564 പേർ ചികിത്സയിലാണ്. 4602 പേർ വീടുകളിലും 962 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.
ജില്ലയിൽ നിലവിൽ നിരീക്ഷണത്തിലുള്ളത് 18,974 പേരാണ്. ഇതിൽ 17,913 പേർ വീടുകളിലും 1061 പേർ ആശുപത്രികളിലുമാണ്.ഇതുവരെ 1,96,277 സാമ്പിളുകൾ പരിശോധനയ്ക്ക് അയച്ചതിൽ 1,95,850 എണ്ണത്തിന്റെ ഫലം വന്നു. 427 എണ്ണത്തിന്റെ ഫലം ലഭിക്കാനുണ്ട്.