368 പേർക്ക് രോഗമുക്തി

കണ്ണൂർ: ജില്ലയിൽ 258 പേർക്ക് ഇന്നലെ കൊവിഡ് ബാധ സ്ഥിരീകരിച്ചു. 241 പേർക്ക് സമ്പർക്കം മൂലമാണ് രോഗബാധ. അഞ്ച് പേർ ഇതര സംസ്ഥാനങ്ങളിൽ നിന്ന് എത്തിയവരും 12 പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 23,184 ആയി. ഇവരിൽ 368 പേർ ഇന്നലെ രോഗമുക്തി നേടി. അതോടെ ഇതിനകം രോഗം ഭേദമായവരുടെ എണ്ണം 17,333 ആയി. 5354 പേർ ചികിൽസയിലാണ്.ഇതിൽ 4432 പേർ വീടുകളിലും ബാക്കി 874 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.

ജില്ലയിൽ നിലവിൽ നിരീക്ഷണത്തിലുള്ളത് 19,172 പേരാണ്. ഇതിൽ 18,147 പേർ വീടുകളിലും 1025 പേർ ആശുപത്രികളിലുമാണ്. ഇതുവരെ 1,98,516 സാമ്പിളുകൾ പരിശോധനയ്ക്ക് അയച്ചതിൽ 1,98,067 എണ്ണത്തിന്റെ ഫലം വന്നു. 449 എണ്ണത്തിന്റെ ഫലം ലഭിക്കാനുണ്ട്.