465 പേർക്ക് സമ്പർക്കം രോഗമുക്തി 662

കണ്ണൂർ: ജില്ലയിൽ ഇന്നലെ 506 പേർക്ക് കൊവിഡ് ബാധ സ്ഥിരീകരിച്ചു. 465 പേർക്ക് സമ്പർക്കം മൂലമാണ് രോഗബാധ. ഒരാൾ വിദേശത്തു നിന്നും 19 പേർ ഇതര സംസ്ഥാനങ്ങളിൽ നിന്ന് എത്തിയവരും 21 പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 23,690 ആയി. ഇവരിൽ 662 പേർ ഇന്നലെ രോഗമുക്തി നേടി. അതോടെരോഗം ഭേദമായവരുടെ എണ്ണം 17,995 ആയി. 100 പേർ കൊവിഡ് മൂലം മരണപ്പെട്ടു. ബാക്കി 4948 പേർ ചികിത്സയിലാണ്. ഇതിൽ 4044 പേർ വീടുകളിലും ബാക്കി 904 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.
ജില്ലയിൽ നിലവിൽ നിരീക്ഷണത്തിലുള്ളത് 19,425 പേരാണ്. ഇതിൽ 18,408 പേർ വീടുകളിലും 1017 പേർ ആശുപത്രികളിലുമാണ്. ഇതുവരെ 2,01,587 സാമ്പിളുകൾ പരിശോധനയ്ക്ക് അയച്ചതിൽ 2,01,190 എണ്ണത്തിന്റെ ഫലം വന്നു. 397 എണ്ണത്തിന്റെ ഫലം ലഭിക്കാനുണ്ട്.