484 പേർക്ക് രോഗമുക്തി

കണ്ണൂർ: ജില്ലയിൽ 337 പേർക്ക് ഇന്നലെ കൊവിഡ് 19 സ്ഥിരീകരിച്ചു. 320 പേർക്ക് സമ്പർക്കം മൂലമാണ് രോഗബാധ. മൂന്ന് പേർ വിദേശത്തു നിന്നും മൂന്ന് പേർ ഇതര സംസ്ഥാനങ്ങളിൽ നിന്ന് എത്തിയവരും 11 പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 24,787 ആയി. 484 പേർ ഇന്നലെ രോഗമുക്തരായതോടെ രോഗം ഭേദമായവരുടെ എണ്ണം 19,238 ആയി. 105 പേർ മരണപ്പെട്ടു. 4958 പേർ ചികിത്സയിലാണ്. ഇതിൽ 4030 പേർ വീടുകളിലും ബാക്കി 928 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.
ജില്ലയിൽ നിലവിൽ നിരീക്ഷണത്തിലുള്ളത് 19,972 പേരാണ്. ഇതിൽ 18,954 പേർ വീടുകളിലും 1018 പേർ ആശുപത്രികളിലുമാണ്.ഇതുവരെ 2,10,521 സാമ്പിളുകൾ പരിശോധനയ്ക്ക് അയച്ചതിൽ 2,10,212 എണ്ണത്തിന്റെ ഫലം വന്നു. 309 എണ്ണത്തിന്റെ ഫലം ലഭിക്കാനുണ്ട്.