162 പേർക്ക് രോഗമുക്തി

കാസർകോട്: ജില്ലയിൽ ഇന്നലെ 156 പേർക്ക് കൂടി കൊവിഡ് 19 സ്ഥിരീകരിച്ചു. സമ്പർക്കത്തിലൂടെ 149 പേർക്കും ഇതരസംസ്ഥാനത്ത് നിന്നെത്തിയ അഞ്ചു പേർക്കും വിദേശത്ത് നിന്നെത്തിയ രണ്ടു പേർക്കുമാണ് കൊവിഡ് പോസിറ്റീവായത്. അതേസമയം 162 പേർക്ക് ഇന്നലെ കൊവിഡ് നെഗറ്റീവായി. നിലവിൽ 1713 പേരാണ് ചികിത്സയിലുള്ളത്.

18,640 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. ഇതിൽ 965 പേർ വിദേശത്ത് നിന്നെത്തിയവരും 734 പേർ ഇതരസംസ്ഥാനത്ത് നിന്നെത്തിയവരും 16,944 പേർക്ക് സമ്പർക്കത്തിലൂടെയുമാണ് രോഗം സ്ഥിരീകരിച്ചത്. 16,​738 പേർ രോഗമുക്തരായി. 189 പേരാണ് കൊവിഡ് ബാധിച്ച് മരിച്ചത്.

വീടുകളിൽ 3962 പേരും സ്ഥാപനങ്ങളിൽ 590 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 4552 പേരാണ്. പുതിയതായി 449 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1129 സാമ്പിളുകൾ കൂടി പരിശോധനയ്ക്ക് അയച്ചു. 208 പേരുടെ പരിശോധനാ ഫലം ലഭിക്കാനുണ്ട്.