കോഴിക്കോട്: ട്രെയിൻ യാത്രയ്ക്കിടെ കൊവിഡ് പകരാതിരിക്കാൻ മുൻകരുതലുമായി റെയിൽവേ.
കോച്ചുകൾ നിശ്ചിത ഇടവേളകളിൽ ശുചിയാക്കുന്നതിന് പുറമെ സ്റ്റേഷനുകളിലെയും കോച്ചുകളിലെയും ടോയ്‌ലറ്റുകൾ അണുനശീകരണം നടത്തി ഭീതിയില്ലാത്ത യാത്രയാണ് റെയിൽവേ ഒരുക്കുന്നത്.
.മാസ്ക് ധരിക്കൽ,സാമൂഹിക അകലം എന്നിവ കർശനമാക്കിയിട്ടുണ്ട്. റിസർവേഷൻ ടിക്കറ്റുള്ള യാത്രക്കാർക്ക് മാത്രമാണ് പ്ളാറ്റ്ഫോമുകളിലേക്ക് പ്രവേശനം.പ്രവേശന കവാടത്ത് തെർമൽ പരിശോധന നടത്തും. സംശയം തോന്നിയാൽ യാത്രക്കാ‌രെ സ്റ്റേഷനകത്തേക്ക് പ്രവേശിപ്പിക്കാതെ തിരിച്ചയക്കുകയാണ്.
മുൻകരുതൽ നടപടികൾ:
* ട്രെയിനിലെ എ.സി യാത്രക്കാർക്ക് കമ്പിളിപുതപ്പും കിടക്കവിരികളും തലയണകളും നൽകില്ല.
* എ.സി കമ്പാർട്ട്മെന്റിലെ കർട്ടൻ ഒഴിവാക്കി.
* ട്രെയിനുകളിൽ പാകം ചെയ്ത ഭക്ഷണസാധനങ്ങൾ വിതരണം ചെയ്യുന്നത് ഒഴിവാക്കി. പാക്ക് ചെയ്ത ഭക്ഷണ സാധനങ്ങളും ബിസ്ക്കറ്റ് പാക്കറ്റുകളും മാത്രം.
* റെയിൽവേ സ്റ്റേഷനിലെ ഭക്ഷണശാലകളിൽ പാകം ചെയ്ത വിഭവങ്ങൾക്ക് വിലക്ക്.
* യാത്രക്കാർ സ്വന്തം വീടുകളിൽ നിന്ന് ഭക്ഷണ കൊണ്ടു വരാം.