കോഴിക്കോട്: ഈശോ സഭ കേരള പ്രവിശ്യയുടെ പ്രൊവിൻഷ്യൽ സൂപ്പിരിയറായിരുന്ന ഫാദർ പോൾ വടക്കേൽ (91 ) നിര്യാതനായി. സംസ്‌കാരം ഇന്ന് വൈകിട്ട് 3ന് മലാപ്പറമ്പ് ക്രൈസ്റ്റ്ഹാൾ സെമിത്തേരിയിൽ.

എറണാകുളം വടകരയിലെ പരേതരായ അഗസ്റ്റിൻറെയും മറിയത്തിൻറെയും മകനാണ്. സഹോദരങ്ങൾ: ഫാദർ മാത്യു (എസ്.ഡി.ബി), പരേതരായ മേരി, അബ്രഹാം.

കോഴിക്കോട് രൂപതാ ബിഷപ്പിൻറെ സെക്രട്ടറി, രൂപതാ പ്രോക്യൂറേറ്റർ എന്നീ നിലകളിൽ പ്രവർത്തിച്ചിട്ടുണ്ട്. നെന്മാറ, പഴയങ്ങാടി, മാട്ടൂൽ, അറബി സെൻറ് ജോർജ്ജ് മലങ്കര പളളി, തിരുവനന്തപുരം ചെമ്പൂർ എന്നിവിടങ്ങളിൽ പള്ളി വികാരിയായിരുന്നു. തിരുവനന്തപുരം സെൻറ് സേവിയേഴ്സ് കോളേജിൻറെ റെക്ടറും മാനേജരുമായി 15 വർഷം സേവനമനുഷ്ഠിച്ചു. കളമശ്ശേരി ശാന്തിഗ്രാം ഡയറക്ടർ, കൊച്ചി ലുമൻ ഇൻസ്റ്റിറ്റ്യൂട്ട് സുപ്പീരിയർ, ഏച്ചോം സർവോദയ സ്‌കൂൾ മാനേജർ, കണ്ണൂർ സെൻറ് മൈക്കിൾസ് സ്‌കൂൾ മാനേജർ, എടത്വ പയ്സ്-10 ഐ.റ്റി.ഐ. മാനേജർ എന്നീ നിലകളിലും പ്രവർത്തിച്ചു. 2016 മുതൽ കോഴിക്കോട് ക്രൈസ്റ്റ് ഹാളിൽ വിശ്രമജീവിതത്തിലായിരുന്നു.