കൽപ്പറ്റ: വയനാട് ജില്ലയിൽ കഴിഞ്ഞ രണ്ടു ദിവസത്തിനുള്ളിൽ 166 പേർക്ക് കൂടി കൊവിഡ് സ്ഥിരീകരിച്ചു. ശനിയാഴ്ച 79 പേർക്കും ഇന്നലെ 87 പേർക്കുമാണ് കൊവിഡ് സ്ഥിരീകരിച്ചത്.

ശനിയാഴ്ച 126 പേരും ഇന്നലെ 133 പേരും രോഗമുക്തി നേടി.ഇന്നലെ 82 പേർക്ക് സമ്പർക്കത്തിലൂടെയാണ് രോഗബാധ. 5 പേർ ഇതര സംസ്ഥാനങ്ങളിൽ നിന്നെത്തിയവരാണ്.

ഇതോടെ ജില്ലയിൽ കോവിഡ് സ്ഥിരീകരിച്ചവരുടെ ആകെ എണ്ണം 6428 ആയി. 5464 പേർ ഇതുവരെ രോഗമുക്തരായി. ചികിത്സയിലിരിക്കെ 42 പേർ മരണപ്പെട്ടു. നിലവിൽ 922 പേരാണ് ചികിത്സയിലുള്ളത്. ഇവരിൽ 356 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം സ്ഥിരീകരിച്ചവർ

അമ്പലവയൽ, മീനങ്ങാടി സ്വദേശികളായ 17 പേർ വീതം, മേപ്പാടി, ബത്തേരി 9 പേർ വീതം, പുൽപ്പള്ളി 6 പേർ, കണിയാമ്പറ്റ, പടിഞ്ഞാറത്തറ 5 പേർ വീതം, പൊഴുതന, വെള്ളമുണ്ട 3 പേർ വീതം, മുട്ടിൽ, നൂൽപ്പുഴ, തവിഞ്ഞാൽ 2 പേർ വീതം, എടവക, മാനന്തവാടി സ്വദേശികളായ ഓരോരുത്തർ എന്നിവരാണ് ഇന്നലെ സമ്പർക്കത്തിലൂടെ രോഗബാധിതരായത്.

കർണാടകയിൽനിന്നു വന്ന തിരുനെല്ലി, പുൽപ്പള്ളി സ്വദേശികളായ ഓരോരുത്തരും ബംഗാളിൽ നിന്ന് വന്ന മൂന്ന് പൂതാടി സ്വദേശികളുമാണ് പുറത്തു നിന്നു വന്ന് രോഗബാധിതരായത്.

രോഗമുക്തി നേടിയവർ

മേപ്പാടി, മീനങ്ങാടി സ്വദേശികളായ ഒൻപത് പേർ വീതം, ബത്തേരി എട്ടുപേർ, മാനന്തവാടി ആറുപേർ, എടവക, വെള്ളമുണ്ട അഞ്ചുപേർ വീതം, മുട്ടിൽ, തവിഞ്ഞാൽ നാലുപേർ വീതം, പടിഞ്ഞാറത്തറ, തിരുനെല്ലി, കോട്ടത്തറ മൂന്നുപേർ വീതം, പുൽപ്പള്ളി രണ്ടുപേർ, നെന്മേനി, പനമരം, വൈത്തിരി, കണിയാമ്പറ്റ, കൽപ്പറ്റ, മൂപ്പൈനാട്, തരിയോട് സ്വദേശികളായ ഓരോരുത്തർ, ഒരു കണ്ണൂർ സ്വദേശി, ഒരു ബംഗാൾ സ്വദേശി, വൈത്തിരി ഓറിയന്റൽ സി എഫ് എൽ ടി സി യിൽ ചികിത്സയിലായിരുന്ന എട്ടുപേർ, വീടുകളിൽ നിരീക്ഷണത്തിലായിരുന്ന 55 പേർ എന്നിവരാണ് രോഗം ഭേദമായി ഡിസ്ചാർജ് ആയത്.

488 പേർ പുതുതായി നിരീക്ഷണത്തിൽ

398 പേർ നിരീക്ഷണകാലം പൂർത്തിയാക്കി

5993 പേർ നിലവിൽ നിരീക്ഷണത്തിലുണ്ട്

652 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 1405 സാമ്പിളുകൾ

ഇതുവരെ അയച്ചത് 127786 സാമ്പിളുകൾ

ഫലം ലഭിച്ചത് 125085

118657 നെഗറ്റീവും 6428 പോസിറ്റീവും