22 പേർക്ക് സമ്പർക്കത്തിലൂടെ രോഗബാധ

കൽപ്പറ്റ: വയനാട് ജില്ലയിൽ ഇന്നലെ കൊവിഡ് സ്ഥിരീകരിച്ചത് 28 പേർക്ക്. 107 പേർ രോഗമുക്തി നേടി. ഒരു ആരോഗ്യ പ്രവർത്തകൻ ഉൾപ്പെടെ 22 പേർക്ക് സമ്പർക്കത്തിലൂടെയാണ് രോഗബാധ. 6 പേർ ഇതര സംസ്ഥാനങ്ങളിൽ നിന്നെത്തിയവരാണ്.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 6456 ആയി. 5571 പേർ ഇതുവരെ രോഗമുക്തരായി. നിലവിൽ 843 പേരാണ് ചികിത്സയിലുള്ളത്. ഇവരിൽ 361 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം സ്ഥിരീകരിച്ചവർ
വെള്ളമുണ്ട സ്വദേശികളായ അഞ്ചു പേർ, പനമരം, കൽപ്പറ്റ, പൊഴുതന, അമ്പലവയൽ, വൈത്തിരി രണ്ടു പേർ വീതം, മേപ്പാടി, മൂപ്പൈനാട്, മാനന്തവാടി, ബത്തേരി, മീനങ്ങാടി, പുൽപ്പള്ളി, നൂൽപ്പുഴ സ്വദേശികളായ ഓരോരുത്തരുമാണ് സമ്പർക്കത്തിലൂടെ രോഗബാധിതരായത്.

പശ്ചിമബംഗാളിൽ നിന്ന് വന്ന 5 വെങ്ങപ്പള്ളി സ്വദേശികളും കർണാടകയിൽ നിന്ന് വന്ന മാനന്തവാടി സ്വദേശിയുമാണ് ഇതര സംസ്ഥാനങ്ങളിൽ നിന്ന് എത്തി രോഗബാധിതരായത്.

107 പേർക്ക് രോഗമുക്തി

കണിയാമ്പറ്റ സ്വദേശികളായ 10 പേർ, മുട്ടിൽ 9 പേർ, എടവക, തിരുനെല്ലി 6 പേർ വീതം, തവിഞ്ഞാൽ 5 പേർ, മാനന്തവാടി 4 പേർ, മേപ്പാടി, പടിഞ്ഞാറത്തറ, തൊണ്ടർനാട് 3 പേർ വീതം, പൊഴുതന, പനമരം, മീനങ്ങാടി, പിണങ്ങോട് 2 പേർ വീതം, നെന്മേനി, ബത്തേരി, നൂൽപ്പുഴ, വെങ്ങപ്പള്ളി, കൽപ്പറ്റ, പുൽപ്പള്ളി, അമ്പലവയൽ സ്വദേശികളായ ഓരോരുത്തർ, ഓറിയന്റൽ സി എഫ് എൽ ടി സി യിൽ ചികിത്സയിലായിരുന്ന 15 പേർ, കാട്ടിക്കുളം സി എഫ് എൽ ടി സി യിൽ ചികിത്സയിലായിരുന്ന 4 പേർ, കൊല്ലം, തിരുവനന്തപുരം, പാലക്കാട്, കണ്ണൂർ സ്വദേശികളായ ഓരോരുത്തർ, വീടുകളിൽ ചികിത്സയിലായിരുന്ന 20 പേർ എന്നിവർ രോഗം ഭേദമായി ഡിസ്ചാർജ് ആയി.

പുതുതായി നിരീക്ഷണത്തിലായത് 527 പേർ

153 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 6367 പേർ

593 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 241 സാമ്പിളുകൾ

ഇതുവരെ അയച്ചത് 128027 സാമ്പിളുകൾ

ഫലം ലഭിച്ചത് 125180

118724 നെഗറ്റീവും 6456 പോസിറ്റീവും