88 പേർക്ക് സമ്പർക്കത്തിലൂടെ രോഗബാധ

കൽപ്പറ്റ: വയനാട് ജില്ലയിൽ ഇന്നലെ 90 പേർക്ക് കൊവിഡ് സ്ഥിരീകരിച്ചു. 109 പേർ രോഗമുക്തി നേടി. 88 പേർക്ക് സമ്പർക്കത്തിലൂടെയാണ് രോഗബാധ. രണ്ടുപേർ വിദേശത്തുനിന്നും ഇതര സംസ്ഥാനത്തുനിന്നുമായി എത്തിയതാണ്.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 6930 ആയി. 6054 പേർ ഇതുവരെ രോഗമുക്തരായി. ചികിത്സയിലിരിക്കെ 48 മരണം. നിലവിൽ 828 പേരാണ് ചികിത്സയിലുള്ളത്. ഇവരിൽ 360 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം സ്ഥിരീകരിച്ചവർ
ബത്തേരി സ്വദേശികളായ 18 പേർ, മാനന്തവാടി, മീനങ്ങാടി സ്വദേശികളായ 14 പേർ വീതം, അമ്പലവയൽ, വെള്ളമുണ്ട സ്വദേശികളായ 5 പേർ വീതം, മേപ്പാടി, മൂപ്പൈനാട് സ്വദേശികളായ 4 പേർ വീതം, കൽപ്പറ്റ സ്വദേശികളായ 3 പേർ, മുള്ളൻകൊല്ലി, മുട്ടിൽ, നെന്മേനി, നൂൽപ്പുഴ, പുൽപ്പള്ളി സ്വദേശികളായ 2 പേർ വീതം, എടവക, കണിയാമ്പറ്റ, കോട്ടത്തറ, പടിഞ്ഞാറത്തറ, പനമരം, പൂതാടി, തവിഞ്ഞാൽ, തിരുനെല്ലി, തൊണ്ടർനാട്, വെങ്ങപ്പള്ളി, വൈത്തിരി സ്വദേശികളായ ഓരോരുത്തരുമാണ് സമ്പർക്കത്തിലൂടെ രോഗബാധിതരായത്. ബഹ്‌റൈനിൽ നിന്ന് വന്ന മേപ്പാടി സ്വദേശി, ബീഹാറിൽ നിന്ന് വന്ന ബത്തേരി സ്വദേശി എന്നിവർക്കും രോഗം സ്ഥിരീകരിച്ചു.

രോഗമുക്തി നേടിയവർ

മുട്ടിൽ സ്വദേശികളായ 13 പേർ, പൂതാടി സ്വദേശികളായ 12 പേർ, തവിഞ്ഞാൽ സ്വദേശികളായ 10 പേർ, ബത്തേരി സ്വദേശികളായ 6 പേർ, പനമരം, അമ്പലവയൽ, കണിയാമ്പറ്റ, എടവക, തിരുനെല്ലി സ്വദേശികളായ 3 പേർ വീതം, മീനങ്ങാടി, വെള്ളമുണ്ട, പടിഞ്ഞാറത്തറ, പുൽപ്പള്ളി സ്വദേശികളായ 2 പേർ വീതം, നെന്മേനി നൂൽപ്പുഴ, തൊണ്ടർനാട്, മേപ്പാടി, മുള്ളൻകൊല്ലി, മാനന്തവാടി സ്വദേശികളായ ഓരോരുത്തരും വൈത്തിരി ഓറിയന്റൽ സി.എഫ്.എൽ.ടി.സിയിൽ ചികിത്സയിൽ ഉണ്ടായിരുന്ന 3 പേരും കോഴിക്കോട്, കണ്ണൂർ സ്വദേശികളായ ഓരോരുത്തരും 4 തമിഴ്നാട് സ്വദേശികളും വീടുകളിൽ ചികിത്സയിലായിരുന്ന 30 പേരുമാണ് രോഗം ഭേദമായി ഡിസ്ചാർജ് ആയത്.

ഇന്നലെ നിരീക്ഷണത്തിലായത് 581 പേർ

332 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 7714 പേർ

585 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 838 സാമ്പിളുകൾ

ഇതുവരെ അയച്ചത് 132005 സാമ്പിളുകൾ

ഫലം ലഭിച്ചത് 128546

121616 നെഗറ്റീവും 6930 പോസിറ്റീവും