കോട്ടയം : ജില്ലയിൽ ഇന്നലെ 340 പേർക്ക് കൂടി കൊവിഡ് സ്ഥിരീകരിച്ചു. 316 പേർക്കും സമ്പർക്കത്തിലൂടെയാണ് രോഗം ബാധിച്ചത്. ആറുപേർ മറ്റു ജില്ലക്കാരാണ്. എട്ട് ആരോഗ്യ പ്രവർത്തകരും സംസ്ഥാനത്തിന് പുറത്തുനിന്നെത്തിയ 16 പേരും രോഗബാധിതരായി. പുതിയതായി 4499 പരിശോധനാ ഫലങ്ങളാണ് ലഭിച്ചത്. രോഗബാധിതരിൽ 184 പുരുഷൻമാരും, 122 സ്ത്രീകളും, 34 കുട്ടികളും ഉൾപ്പെടുന്നു. 39 പേർ 60 വയസിന് മുകളിലുള്ളവരാണ്. 150 പേർ രോമുക്തി നേടി. നിലവിൽ 4434 പേരാണ് ചികിത്സയിലുള്ളത്. ഇതുവരെ 11046 പേർ രോഗബാധിതരായി. 6597 പേർ രോഗമുക്തി നേടി. 20611 പേർ ക്വാറന്റൈനിൽ കഴിയുന്നുണ്ട്.