കോട്ടയം: കൊവിഡ് പോസിറ്റീവായ വ്യക്തികൾ താമസിച്ചിരുന്ന വീട് അണുനശീകരണം നടത്തി കോട്ടയം നഗരസഭാ കൗൺസിലർ മാതൃകയായി. നഗരസഭയിലെ 43 -ാം വാർഡിലെ അരുൺ ഷാജിയാണ് ആരോഗ്യ പ്രവർത്തകന്റെ ജോലി ഏറ്റെടുത്ത് മാതൃകാപരമായ പ്രവർത്തനം നടത്തിയത്. നാലു പേർക്ക് കൊവിഡ് സ്ഥിരീകരിച്ച വീട്ടിലെ അംഗങ്ങൾ രോഗമുക്തി നേടി വീട്ടിലേക്ക് മടങ്ങി വരാനിരിക്കെ വീട് അണുനശീകരണം നടത്തണമെന്ന് കൗൺസിലർ നഗരസഭ ആരോഗ്യ വിഭാഗത്തോട് ആവശ്യപ്പെട്ടിരുന്നു.
എന്നാൽ, ഇവരുടെ സേവനം ലഭ്യമാകാത്തതിനെ തുടർന്ന് മറ്റ് തിരക്കുകൾക്കിടയിലും കൗൺസിലർ നേരിട്ടെത്തി പി.പി.ഇ കിറ്റുകളണിഞ്ഞ് ശുചീകരണ പ്രവർത്തനം നടത്തിയത്.
നഗരസഭയിലെ വലിയ സി.എഫ്.എൽ.ടി.സി സെന്റർ സ്ഥിതി ചെയ്യുന്നതും ഈ വാർഡിലാണ്. വാർഡിലെ ഡി.വൈ.എഫ്.ഐ പ്രവർത്തകരാണ് ശുചീകരണത്തിന് വേണ്ട സാങ്കേതിക സഹായം നല്കിയത്.