മ​റ​യൂ​ർ​:​ ​ച​ന്ദ​ന​കാ​ടു​ക​ളു​ടെ​ ​വി​സ്തൃ​തി​ കൂട്ടാൻ വനംവകുപ്പ് രംഗത്ത്. ഓരോ വർഷവും രണ്ട് ഹെക്ടർ സ്ഥലത്ത് വീതം ചന്ദന തൈകൾ നട്ടുവളർത്താനുള്ള പുതിയ പദ്ധതിയാണ് മറയൂരിൽ വനംവകുപ്പ് ആവിഷ്കരിച്ചിരിക്കുന്നത്. പദ്ധതിയുടെ ആദ്യപടിയായി രണ്ട് ഹെക്ടർ സ്ഥലത്ത് 4600 തൈകൾ നട്ടുകഴിഞ്ഞു. സംസ്ഥാന ഖജനാവിലേക്ക് എല്ലാവർഷവും കോടിക്കണക്കിന് രൂപയാണ് വനംവകുപ്പ് മറയൂർ ഡിവിഷൻ എത്തിക്കുന്നത്. മറയൂരിൽ ചന്ദനം അന്യം നിന്നുപോവാതെ സംരക്ഷിക്കാനുള്ള ശ്രമത്തിന്റെ ഭാഗമാണ് പുതിയ പദ്ധതി. തൈകൾ നട്ട് ചന്ദനക്കാടിന്റെ വിസ്തൃതി വ‌ർദ്ധിപ്പിക്കുകയാണ് ലക്ഷ്യം.

കാട്ടുകള്ളന്മാരുടെ ശല്യവും മറ്റും മൂലം കുറെ ചന്ദനമരങ്ങൾ അപഹരിക്കപ്പെട്ടിട്ടുണ്ട്. തോക്കുമായി ഓരോ മരത്തിനും കാവൽ നിന്നാലും കാട്ടുകള്ളന്മാർ കുറുക്കുവഴികളിലൂടെ കടത്തുക പതിവാണ്. സംഘമായി എത്തി മരങ്ങൾകടത്തുന്നതും പതിവാണ്.

കൂടാതെ കാറ്റത്ത് മരങ്ങൾ കടപുഴകി വീഴും. ഇത് ശേഖരിച്ച് വേര് സഹിതം വനംവകുപ്പിന്റെ ഗോഡൗണിലേക്ക് മാറ്റി, അടുത്ത ലേലത്തിൽ വിൽക്കുകയാണ് പതിവ്. പ്രതിവർഷം രണ്ടായിരം കോടി രൂപയുടെ വരുമാനമാണ് മറയൂർ ചന്ദനം ഖജനാവിൽ എത്തിക്കുന്നത്.

പ്രായമായ മരങ്ങൾ വെട്ടിയെടുക്കുന്ന സ്ഥലത്തും തൈകൾ നട്ടുപിടിപ്പിക്കും. ഓരോ വർഷവും രണ്ട് ഹെക്ടർ സ്ഥലത്ത് വീതം പുതിയ തൈകൾ നട്ടുപിടിപ്പിക്കുന്നതോടെ ഏതാനും വർഷങ്ങൾക്കുള്ളിൽ മറയൂർ മേഖലയിൽ ചന്ദനമരങ്ങൾ തിങ്ങിനിറയും. ഓരോ മരവും സംരക്ഷിക്കാൻ പ്രത്യേകം വനപാലകരെയും ഏർപ്പാടാക്കിയിട്ടുണ്ട്.

ലോകത്തുതന്നെ ഏറ്റവും ഗുണമേന്മയുള്ള ചന്ദനമാണ് മറയൂരിലുള്ളത്. മറയൂരിൽ 1446 ഹെക്ടർ സ്ഥലത്താണ് ചന്ദനമരങ്ങളുള്ളത്.

​മ​റ​യൂ​രി​ലെ​ ​ച​ന്ദ​ന​ക്കാ​ടു​ക​ളു​ടെ​ ​സം​ര​ക്ഷ​ണം​ ​ഏ​റെ​ ​പ്രാ​ധാ​ന്യ​ത്തോ​ടെ​യാ​ണ് ​ന​ട​പ്പി​ലാ​ക്കി​വ​രു​ന്ന​തെന്ന് മറയൂർ ഡി.എഫ്.ഒ രഞ്ജിത്ത് വ്യക്തമാക്കി. ​പ​തി​ന​ഞ്ച് പ്ലോ​ട്ടു​ക​ളാ​ക്കി​ ​തി​രി​ച്ച് ​പ​രി​പാ​ല​ന​ത്തി​ന് ​വാ​ച്ച​ർ​മാ​രെ​യും​ ​ഏ​ർ​പ്പെ​ടു​ത്തി​യി​ട്ടു​ണ്ട്.​ ​ഓ​രോ പ്ലോട്ടി​ലും​ ​ന​ട്ടി​രി​ക്കു​ന്ന​ ​തൈ​ക​ളു​ടെ​ ​എ​ണ്ണ​വും​ ​എ​ത്ര​യെ​ന്ന് ​രേ​ഖ​പ്പെ​ടു​ത്തി​. ​ഓ​രോ​മാ​സ​വും​ ​തൈ​ക​ളു​ടെ​ ​വ​ള​ർ​ച്ച​യും​ ​കൃ​ത്യ​മാ​യി​ ​രേ​ഖ​പ്പെ​ടു​ത്തി​യാ​ണ് ​പ​രി​പാ​ല​നം.​ ​ച​ന്ദ​ന​ ​മ​ര​ങ്ങ​ളു​ടെ​ ​എ​ണ്ണം​ ​വ​ർ​ദ്ധി​പ്പി​ക്കു​ന്ന​തി​നൊ​പ്പം​ ​ഏ​റ്റ​വും​ ​ഗു​ണ​നി​ല​വാ​ര​മു​ള്ള​ ​മ​റ​യൂ​ർ​ ​ച​ന്ദ​ന​ത്തി​ന്റെ​ ​സം​ര​ക്ഷ​ണം​ ​കൂ​ടി​ ​ഉ​റ​പ്പാ​ക്കു​ക​യാ​ണ് വനംവകുപ്പിന്റെ ലക്ഷ്യം.