കോട്ടയം : സ്വർണ്ണക്കള്ളക്കടത്ത് കേസിൽ സ്വപ്നയുടെ മൊഴി മുഖ്യമന്ത്രിക്കെതിരെ വന്ന സാഹചര്യത്തിൽ ധാർമ്മിക ഉത്തരവാദിത്വമേറ്റെടുത്ത് മുഖ്യമന്ത്രി രാജിവെയ്ക്കണമെന്ന് തിരുവഞ്ചൂർ രാധാകൃഷ്ണൻ എം.എൽ.എ പറഞ്ഞു.സ്വർണ്ണക്കള്ളക്കടത്ത് കേസിൽ സി.ബി.ഐ അന്വഷണമാവശ്യപ്പെട്ട് യു.ഡിഎഫ് നടത്തുന്ന സ്പീക്ക് അപ്പ് കേരള സമര പരമ്പരയുടെ നാലാംഘട്ട സമരം ജില്ലാ കോൺഗ്രസ് കമ്മിറ്റി ഓഫീസ് ഓഡിറ്റോറിയത്തിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം . ബ്ലോക്ക് കോൺഗ്രസ്സ് കമ്മിറ്റ പ്രസിഡന്റ് എസ് രാജീവ് അധ്യക്ഷത വഹിച്ചു .ഡി.സി.സി പ്രസിഡന്റ് ജോഷി ഫിലിപ്പ് ,കെ.പി.സി.സി സെക്രട്ടറി ഫിലിപ്പ് ജോസഫ്, ഘടകകക്ഷി നേതാക്കളായ പി.പി മുഹമ്മദ് കുട്ടി ,പ്രിൻസ് ലൂക്കോസ്,വി.കെ ഭാസി,സ്റ്റീഫൻ ജേക്കബ് ,കുര്യൻ പി കുര്യൻ, ജില്ലാ കോൺഗ്രസ് കമ്മറ്റി ജനറൽ സെക്രട്ടറി യൂജിൻ തോമസ്,നന്തിയോട് ബഷീർ ,എൻ.എസ് ഹരിശ്ചന്ദ്രൻ , ഡോ: കെ.എം ബെന്നി എന്നിവർ പ്രസംഗിച്ചു.