അടിമാലി: ഇനി മൂന്നാറിൽ എത്തുന്നവർക്ക് ആന വണ്ടിയിൽ കിടന്നുറങ്ങാം.
എ.സി. കോച്ച് ബസിൽ 16 പേർക്ക് ഇതിൽ താമസിക്കാം. മൂന്നാറിൽ എത്തുന്ന സഞ്ചാരികൾക്ക് ഭാരിച്ച തുക കൊടുത്ത് റൂം എടുക്കാൻ സാധിക്കാത്തവർക്ക് കെ.എസ്.ആർ.ടി.സി എ.സി. വീട് ബസ് ഉപയോഗിക്കാം. ബസ് മൂന്നാർ ഡിപ്പോ പരിസരത്താണ് ബസ് കിടക്കുക.സ്റ്റാഫ് സ്ലീപ്പർ എന്ന ബസിൽ 16 ബഡ്, എസി, ഫാൻ, കുടിവെള്ളം, ഭക്ഷണം ഇരുന്ന് കഴിക്കാനുള്ള അടിസ്ഥാന സൗകര്യവും ഉണ്ട്. എന്നാൽ ബാത്ത് റൂം സ്റ്റാൻഡിലെ സൗകര്യങ്ങൾ ഉപയോഗപ്പെടുത്തണം. ബഡ് ഒന്നിന് 100 രൂപ മാത്രം. 1600 രൂപ മുടക്കിയൽ 16 പേർക്ക് ഇതിൽ താമസിക്കാം. എന്നാൽ ഒന്നിച്ച് എത്തുന്ന ഗ്രൂപ്പുകൾക്ക് മാത്രമേ താമസത്തിന് നൽകുകയുള്ളു.രണ്ട് വീട് ബസ്സ് മുന്നാർ ഡിപ്പോയിൽ എത്തിച്ചേർന്നിട്ടുണ്ട്. മൂന്നാർ കണ്ടൈയ്‌മെന്റ് സോണായി തുടരുന്നതിനാൽ പ്രവർത്തനം ആരംഭിച്ചിട്ടില്ല.