പാലാ : കിടങ്ങൂർ ഗ്രാമപഞ്ചായത്തിൽ സ്ഥിതി ചെയ്യുന്ന കൂടല്ലൂർ സാമൂഹ്യആരോഗ്യ കേന്ദ്രത്തിനായി നിർമ്മിക്കുന്ന പുതിയ ഒ.പി ബ്ലോക്ക് കെട്ടിട സമുച്ചയത്തിന്റെ ശിലാസ്ഥാപനം നാളെ രാവിലെ 10.30 ന് മന്ത്രി കെ.കെ.ശൈലജ ഓൺലൈനിലൂടെ നിർവഹിക്കും. എൻ.എച്ച്.എം പദ്ധതിയിൽ ഉൾപ്പെടുത്തി അനുവദിച്ച 2.37 കോടി രൂപ വിനിയോഗിച്ചാണ് പുതിയ കെട്ടിട സമുച്ചയം നിർമ്മിക്കുന്നത്.
കൂടല്ലൂർ സെന്റ്.ജോസഫ് ദേവാലയത്തിന്റെ പാരിഷ് ഹാളിൽ നടക്കുന്ന ചടങ്ങിൽ അഡ്വ.മോൻസ് ജോസഫ് എം.എൽ.എ അദ്ധ്യക്ഷത വഹിക്കും. തോമസ് ചാഴികാടൻ എം.പി, ജോസ്.കെ.മാണി എം.പി എന്നിവർ മുഖ്യാതിഥികളായി പങ്കെടുക്കും. ജില്ലാ മെഡിക്കൽ ഓഫീസർ ഡോ.ജേക്കബ് വർഗീസ്, എൻ.എച്ച്.എം ജില്ലാ പ്രോഗ്രാം മാനേജർ ഡോ.വ്യാസ് സുകുമാരൻ എന്നിവർ പദ്ധതി വിശദീകരണം നടത്തും.