കോട്ടയം : ബാങ്ക് ജീവനക്കാരുടെ സേവന വേതന വ്യവസ്ഥകൾക്ക് ദോഷമായ കരാർ പൊളിച്ചെഴുതണമെന്ന് ആവശ്യപ്പെട്ട് ബെഫിയുടെ നേതൃത്വത്തിൽ എസ്.ബി.ഐ കോട്ടയം ടൗൺ ശാഖയുടെ മുന്നിൽ പ്രതീകാത്മക പ്രതിഷേധ ധർണ നടത്തി. അടിസ്ഥാന ശമ്പളം വർദ്ധിപ്പിക്കുക, പെൻഷൻ പരിഷ്‌കരിക്കുക, പഞ്ചദിന ബാങ്കിംഗ് അനുവദിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു പ്രതിഷേധം. ജില്ലാ സെക്രട്ടറി വി.പി.ശ്രീരാമൻ അദ്ധ്യക്ഷത വഹിച്ചു.