പാലാ: ജനമൈത്രി പൊലീസിന്റെ നേതൃത്വത്തിൽ വിദ്ധ്യാർത്ഥികൾക്ക് ഭവനം നിർമ്മിച്ചു നല്കുന്നതിന്റെ ഭാഗമായിട്ടുള്ള ജനമൈത്രി ഭവനത്തിന്റെ കട്ടിളവയ്പ് നടത്തി. പാലാ ഡിവൈ.എസ്.പി സാജു വർഗീസ് കട്ടിളവയ്പ് കർമ്മം നിർവഹിച്ചു. ഇടമറ്റം കെ.റ്റി.ജെ.എം ഹൈസ്കൂളിലെ അതുല്യാ സജിക്കാണ് വീട് നിർമിച്ചു നൽകുന്നത്. ജനമൈത്രി പൊലീസിന്റെയും ജനസമിതിയുടെയും നേതൃത്വത്തിൽ പൊതുജനപങ്കാളിത്തത്തോടെയാണ് പദ്ധതി നടപ്പിലാക്കുന്നത്. ബ്രില്യന്റ് സ്റ്റഡി സെന്റർ ഡയറക്ടർമാരായ സ്റ്റീഫൻ ജോസഫ്,ജോർജ് പി തോമസ്,ജനമൈത്രി ജില്ലാ അസി. നോഡൽ ഓഫീസർ സരസിജൻ, പാലാ എസ്.എച്ച്.ഓ അനൂപ് ജോസ്, പാലാ ബ്ലഡ് ഫോറം ജനറൽ കൺവീനർ ഷിബു , ജനമൈത്രി സബ് ഡിവിഷൻ കോർഡിനേറ്റർ എ.എസ്.ഐ സുരേഷ് കുമാർ.ആർ, എസ്.ഐ അഭിലാഷ്, ജനമൈത്രി സി.ആർ.ഓ എ.റ്റി ഷാജിമോൻ, പൊലീസ് അസോസിയേഷൻ ഭാരവാഹികളായ പ്രേംജി എസ്.ഡി, അജേഷ് കുമാർ, ബിറ്റ് ഓഫീസർമാരായ സുദേവ്.എസ്, ബിനോയി തോമസ്, പ്രഭു കെ.ശിവറാം, ജനസമിതിയംഗങ്ങളായ സജി വട്ടക്കാനാൽ, ഡയാനാ രാജു, ബൈജു കൊല്ലംപറമ്പിൽ, ജോർജ് സന്മനസ് എന്നിവർ പങ്കെടുത്തു.