കോട്ടയം : വീട്ടിൽ നിന്ന് ട്യൂഷൻ സെന്ററിലേയ്‌ക്ക് പോകുകയായിരുന്ന പതിമൂന്നുകാരിയെ കടന്നു പിടിക്കുകയും തട്ടിക്കൊണ്ടു പോകാൻ ശ്രമിക്കുകയും ചെയ്‌ത അന്യസംസ്ഥാന തൊഴിലാളിയെ നാട്ടുകാർ പിടികൂടി പൊലീസിൽ ഏല്പിച്ചു. ഇന്നലെ ഉച്ചയ്‌ക്ക് 12 ഓടെ ഒളശ ഏനാദി പാലത്തിലായിരുന്നു സംഭവം. ചോദ്യം ചെയ്ത വഴിയാത്രക്കാരിയെ ഇയാൾ ഭീഷണിപ്പെടുത്തുകയും കൈയ്യേറ്റം ചെയ്യാൻ ശ്രമിക്കുകയും ചെയ്തു. ബഹളം കേട്ട് നാട്ടുകാർ ഓടിക്കൂടി ഇയാളെ തടഞ്ഞുവച്ചു. തുടർന്ന് കുമരകം പൊലീസിൽ അറിയിച്ചെങ്കിലും തങ്ങളുടെ പരിധിയല്ലെന്നും വെസ്റ്റ് സ്റ്റേഷനിൽ അറിയിക്കാനുമായിരുന്നു പൊലീസ് ഉദ്യോഗസ്ഥരുടെ ആദ്യ പ്രതികരണം. ഇതോടെ നാട്ടുകാർ കുമരകം സ്‌റ്റേഷൻ ഹൗസ് ഓഫീസറെ വിളിച്ചു വിവരം പറഞ്ഞു. തുടർന്ന് പൊലീസെത്തി ഇയാളെ കസ്റ്റഡിയിലെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.