ചങ്ങനാശേരി: കുറിച്ചി ഗ്രാമപഞ്ചായത്ത് ഒൻപതാം വാർഡിലെ പൊൻപുഴകല്യാണിമുക്ക് റോഡ് പൊട്ടിപ്പൊളിഞ്ഞ് സഞ്ചാരയോഗ്യമല്ലാതായി കിടക്കാൻ തുടങ്ങിയിട്ട് വർഷങ്ങളായി. മുഖ്യമന്ത്രിയുടെ തദ്ദേശറോഡ് പുനർനിർമ്മാണ പദ്ധതിയുടെ ഭാഗമായി ഈ റോഡിന്റെ പുനർനിർമ്മാണത്തിനായി 10ലക്ഷം രൂപ അനുവദിച്ചിരുന്നു. ഇ-ടെൻഡർ നടപടികൾ ആഗസ്റ്റ് 2020 ൽ പൂർത്തിയായെങ്കിലും ഇതുവരെ റോഡ് പണി ആരംഭിച്ചിട്ടില്ല. ഈ റോഡിലൂടെ കാൽനട യാത്രപോലും ദുഷ്‌കരമാണ്. പൊൻപുഴ അംബേദ്ക്കർ സെന്റിൽമെന്റ് കോളനിയിലേക്കുള്ള പ്രധാന റോഡാണിത്. റോഡ് പണി എത്രയും പെട്ടെന്ന് ആരംഭിക്കണമെന്ന ആവശ്യം ശക്തമാകുന്നു.