വൈക്കം : സംസ്ഥാനത്തെ തൊഴിൽ, വിദ്യാഭ്യാസ മേഖലകളിൽ സർക്കാർ നടപ്പാക്കുന്ന സാമ്പത്തിക സംവരണം സാമൂഹിക നീതിക്കും ഭരണഘടനക്കും വിരുദ്ധമായ നടപടിയാണന്ന് ചൂണ്ടിക്കാട്ടി എസ്.എൻ.ഡി.പി യോഗം വൈക്കം യൂണിയൻ യൂത്ത്മൂവ്‌മെന്റിന്റെ നേതൃത്വത്തിൽ താലൂക്ക് ഓഫീസ് പടിക്കൽ പ്രതിഷേധ ജ്വാല നടത്തി. യോഗം അസി. സെക്രട്ടറി പി.പി.സന്തോഷ് ഉദ്ഘാടനം ചെയ്തു. യൂത്ത് മൂവ്‌മെന്റ് യൂണിയൻ പ്രസിഡന്റ് പി.വി.വിവേക്, അഖിൽ മാടക്കൽ, സുനിൽ നടുവിലെ, രതീഷ് അക്കരപ്പാടം, രമേശ് കൊക്കാട്ട് ,ഗോപാലകൃഷ്ണൻ , ശങ്കർ ദാസ് എന്നിവർ സംസാരിച്ചു.