വൈക്കം : കൊവിഡ് ഫസ്റ്റ് ലൈൻ ട്രീറ്റ്‌മെന്റ് സെന്ററിന് ആവശ്യമായ വസ്തുക്കൾ ശ്രീമഹാദേവ എഡ്യൂക്കേഷണൽ ആൻഡ് ചാരിറ്റബിൾ സൊസൈറ്റിയും ശ്രീമഹാദേവ കോളേജ് എൻ.എസ്.എസ് യൂണിറ്റും ചേർന്ന് നൽകി. മുനിസിപ്പൽ ചെയർമാൻ ബിജു വി.കണ്ണേഴത്ത്, ആരോഗ്യ സ്റ്റാൻഡിംഗ് കമ്മറ്റി ചെയർമാൻ അഡ്വ.അംബരീഷ് ജി.വാസു എന്നിവർ കോളേജ് പ്രിൻസിപ്പാൾ പ്രൊഫ: സെറ്റിന പി.പൊന്നപ്പൻ, എൻ.എസ്.എസ് പ്രോഗ്രാം ഓഫീസർ അനു സുഗുണൻ എന്നിവരിൽ നിന്നും സാധനങ്ങൾ ഏറ്റുവാങ്ങി. ഫസ്റ്റ് ലൈൻ ട്രീറ്റ്‌മെന്റ് സെന്ററിലേക്ക് ആവശ്യമായ പി.പി.ഇ കിറ്റ്, മാസ്‌ക്ക്, ബക്കറ്റ് ,മഗ്ഗ്, സാനിറ്റെസർ തുടങ്ങിയ വസ്തുക്കളാണ് നൽകിയത്.കോളേജ് ഡയറക്ടർ പി.ജി.എം നായർ കാരിക്കോട് നേതൃത്വം നൽകി. കോളേജ് മാനേജർ ബി മായ, സ്റ്റാന്റിംഗ് കമ്മിറ്റി ചെയർമാൻ ആർ.സന്തോഷ്, പ്രതിപക്ഷ നേതാവ് എം.ടി.അനിൽകുമാർ, കൗൺസിലർമാരായ ഏ.സി മണിയമ്മ,സെൽവി,ബിച്ചു എസ് നായർ, വോളന്റിയർ സെക്രട്ടറി മീര മഹേഷ്,അക്ഷയ് രാജ് എന്നിവർ പങ്കെടുത്തു.