സൂറിച്ച് : അടുത്ത സീസൺ യുവേഫ ചാമ്പ്യൻസ് ലീഗ് ഫുട്ബാളിന്റെ ഗ്രൂപ്പ് തിരഞ്ഞെടുപ്പ് നടന്നു. എട്ടു ഗ്രൂപ്പുകളിലായി 32 ടീമുകളാണ് പ്രാഥമിക റൗണ്ടിൽ മത്സരിക്കുന്നത്. സൂപ്പർ താരങ്ങളായ ക്രിസ്റ്റ്യാനോ റൊണാൾഡോയും ലയണൽ മെസിയും പ്രാഥമിക റൗണ്ടിൽതന്നെ ഏറ്റുമുട്ടുന്ന രീതിയിലാണ് ഇന്നലെ നടന്ന നറുക്കെടുപ്പിൽ ഗ്രൂപ്പുകൾ തിരിക്കപ്പെട്ടത്.ക്രിസ്റ്റ്യാനോയുടെ യുവന്റസും മെസിയുടെ ബാഴ്സലോണയും ഗ്രൂപ്പ് ജിയിലാണ്.ഇവർക്കൊപ്പം ഡൈനാമോ കീവും ഫെറെങ്ക്‌വാറോസും മത്സരിക്കും. നിലവിലെ ചാമ്പ്യന്മാരായ ബയേൺ മ്യൂണിക്ക് അത്‌ലറ്റിക്കോ മാഡ്രിഡിനാെപ്പം എ ഗ്രൂപ്പിലാണ്.
ഈ മാസം 20നാണ് പ്രാഥമികറൗണ്ട് മത്സരങ്ങൾ ആരംഭിക്കുന്നത്.
ഗ്രൂപ്പുകളും ടീമുകളും
ഗ്രൂപ്പ് എ : ബയേൺ മ്യൂണിക്ക്,അത്‌ലറ്റിക്കോ മാഡ്രിഡ്,റെഡ്ബുൾ, ലോക്കോമോട്ടീവ്
ഗ്രൂപ്പ് ബി : റയൽ മാഡ്രിഡ്,ഷാക്തർ ഡോണെസ്ക്, ഇന്റർ,ബൊറൂഷ്യ മോഷംഗ്ളാബാഷ്
ഗ്രൂപ്പ് സി : പോർട്ടോ,മാഞ്ചസ്റ്റർ സിറ്റി,ഒളിമ്പ്യാക്കോസ്,മാഴ്സെ
ഗ്രൂപ്പ് ഡി : ലിവർപൂൾ ,അയാക്സ്,അറ്റ്ലാന്റ,മിറ്റിലാൻഡ്
ഗ്രൂപ്പ് ഇ : സെവിയ്യ,ചെൽസി.ക്രാസ്നോർ,റെന്നെ
ഗ്രൂപ്പ് എഫ് : സെനിത്ത്,ബൊറൂഷ്യ ഡോർട്ട്മുണ്ട്,ലാസിയോ,ക്ളബ് ബ്രുഗെ
ഗ്രൂപ്പ് ജി : യുവന്റസ് , ബാഴ്സലോണ,ഡൈനാമോ കീവ്, ഫെറെങ്ക്‌വാറോസ്
ഗ്രൂപ്പ് എച്ച് : പി.എസ്.ജി മാഞ്ചസ്റ്റർ യുണൈറ്റഡ്,ലെയ്പ്സിഗ്,ഇസ്താംബുൾ.