ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം മൂന്ന് കോടി നാൽപത്തിയെട്ട് ലക്ഷം പിന്നിട്ടു. ഇതുവരെ 34,817,610 പേർക്കാണ് രോഗം സ്ഥിരീകരിച്ചത്. മരണസംഖ്യ 1,032,709 ആയി ഉയർന്നു. 25,881,196 പേർ രോഗമുക്തി നേടി. അമേരിക്ക, ഇന്ത്യ, ബ്രസീൽ എന്നീ രാജ്യങ്ങളിലാണ് ഏറ്റവും കൂടുതൽ രോഗികളുള്ളത്.

അമേരിക്കയിൽ കൊവിഡ് ബാധിതരുടെ എണ്ണം എഴുപത്തിയഞ്ച് ലക്ഷം കടന്നു. ഇതുവരെ 7,549,299 പേർക്കാണ് രോഗം സ്ഥിരീകരിച്ചത്. 213,523 പേർ മരണമടഞ്ഞു. സുഖം പ്രാപിച്ചവരുടെ എണ്ണം 4,774,463 ആയി ഉയർന്നു.

ഇന്ത്യയിൽ കൊവിഡ് മരണം ഒരു ലക്ഷം കടന്നു. സംസ്ഥാനങ്ങളിൽ നിന്നുമുള്ള പ്രതിദിന കൊവിഡ് കണക്ക് പുറത്തുവന്നതോടെയാണ് രാജ്യത്തെ വൈറസ് ബാധമൂലമുള്ള ആകെ മരണസംഖ്യ ഒരു ലക്ഷം കവിഞ്ഞത്. രോഗമുക്തി നിരക്കിൽ ലോകരാജ്യങ്ങൾക്കിടയിൽ ഇന്ത്യ ഒന്നാം സ്ഥാനത്തുതന്നെ തുടരുകയാണ്. ഇതുവരെ 53,52,078 പേരാണ് സുഖം പ്രാപിച്ചത്. 83.70 ശതമാനമാണ് രോഗമുക്തി നിരക്ക്.9,42,217 പേരാണ് ചികിത്സയിൽ കഴിയുന്നത്.ഇതുവരെ 64 ലക്ഷത്തിലധികം പേ‌ർക്കാണ് രോഗം സ്ഥിരീകരിച്ചത്.

രോഗികളുടെ എണ്ണത്തിൽ ബ്രസീലാണ് ഇപ്പോഴും മൂന്നാമത്. രാജ്യത്ത് ഇതുവരെ 4,882,231 പേർക്കാണ് കൊവിഡ് സ്ഥിരീകരിച്ചത്. 145,431 പേർ മരിച്ചു. രോഗമുക്തി നേടിയവരുടെ എണ്ണം 4,232,593 ആയി.