വാഷിംഗ്ടൺ: തന്റെ ആരോഗ്യനിലയിൽ നല്ല പുരോഗതിയുണ്ടെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ്. ഇനിയുള്ള ദിവസങ്ങൾ നിർണായകമാണെന്നും, തിരഞ്ഞെടുപ്പ് പ്രചാരണങ്ങളിൽ വൈകാതെ മടങ്ങിയെത്തുമെന്നും അദ്ദേഹം പറഞ്ഞു.
ആശുപത്രിയിൽ നിന്നുള്ള വീഡിയോ സന്ദേശത്തിലാണ് ട്രംപ് ഇക്കാര്യം അറിയിച്ചത്. ട്രംപ് സുഖംപ്രാപിച്ചുവരികയാണെന്നും, 24 മണിക്കൂറിനിടെ പനി ഉണ്ടായിട്ടില്ലെന്നും വാൾട്ടർ റീഡ് നാഷണൽ മിലിട്ടറി ആശുപത്രി ഡോക്ടർമാർ അറിയിച്ചു.ട്രംപിന്റെ ആരോഗ്യനിലയിൽ വൈറ്റ് ഹൗസ് നേരത്തെ ആശങ്ക അറിയിച്ചിരുന്നു.
— Donald J. Trump (@realDonaldTrump) October 3, 2020
ഒക്ടോബർ രണ്ടിനാണ് ട്രംപിനും, ഭാര്യ മെലാനിയയ്ക്കും കൊവിഡ് സ്ഥിരീകരിച്ചത്. രോഗലക്ഷണം കണ്ടതിനെ തുടർന്ന് നടത്തിയ പരിശോധനയിൽ ഫലം പോസിറ്റീവ് ആവുകയായിരുന്നു. ഉപദേശകയായ ഹോപ് ഹിക്‌സിന് കൊവിഡ് സ്ഥിരീകരിച്ചതിനെ തുടർന്ന് ഇരുവരും നിരീക്ഷണത്തിലായിരുന്നു.