തി​രുവനന്തപുരം: ഐഫോൺ​ വി​വാദത്തി​ൽ പ്രതി​പക്ഷനേതാവ് രമേശ് ചെന്നി​ത്തല നി​യമനടപടി​ക്ക്. അപകീർത്തി​കരമായ പരാമർശം പി​ൻവലി​ക്കണമെന്നാവശ്യപ്പെട്ട് യൂണി​ടാക് ഉടമ സന്തോഷ് ഈപ്പന് നാളെ നോട്ടീസ് അയയ്ക്കും. പരാമർശം പി​ൻവലി​ച്ചി​ല്ലെങ്കി​ൽ കോടതി​യെ സമീപി​ക്കാനാണ് പ്രതി​പക്ഷ നേതാവി​ന്റെ തീരുമാനം. ഡി ജിപിക്ക് ഇതുസംബന്ധിച്ച് നൽകിയ പരാതിയിൽ നടപടികൾ ഉണ്ടാവില്ലെന്ന് ബോദ്ധ്യപ്പെട്ടതോടെയാണ് നിയമനടപടിക്ക് ഒരുങ്ങുന്നതെന്നാണ് റിപ്പോർട്ട്.നിശ്ചിത സമയപരിധിക്കുളളി​ൽ പരാമർശം ഒഴിവാക്കിയില്ലെങ്കിൽ ഹൈക്കോടതിയെ തന്നെ നേരിട്ട് സമീപിക്കാനും അദ്ദേഹത്തി​ന് നി​യമോപദേശം ലഭി​ച്ചി​ട്ടുണ്ട്.

രണ്ടുദിവസം മുമ്പാണ് യൂണിടാക് ഉടമ സന്തോഷ്‌ ഈപ്പൻ സ്വപ്ന സുരേഷിന് നൽകാൻ അഞ്ച് ഐഫോൺ വാങ്ങിയെന്നും ഇതിലൊന്ന് പ്രതിപക്ഷ നേതാവിന് നൽകിയതെന്നുമുളള വിവരം പുറത്തുന്നത്. ലൈഫ് മിഷനിലെ സി ബിഐ അന്വേഷണം സ്റ്റേ ചെയ്യണം എന്നാവശ്യപ്പെട്ട് ഹൈക്കോടതിയിൽ നൽകിയ ഹർജിയിൽ ആയിരുന്നു ഈ വെളിപ്പെടുത്തൽ. യൂണിടാക്കിന്റെ പേരിൽ കൊച്ചിയിലെ കടയിൽ നിന്ന് ആറ് ഐ ഫോണുകളാണ്. വാങ്ങിയത്. ഇതിൽ 5 ഐ ഫോണുകളാണ് സ്വപ്ന സുരേഷിന് കൈമാറിയത്. ഈ അഞ്ച് ഫോണുകളിൽ ഒന്ന് തിരുവനന്തപുരത്ത് നടന്ന ചടങ്ങിൽ വച്ച് സ്വപ്ന സുരേഷ് രമേശ് ചെന്നിത്തലയ്ക്ക് കൈമാറി എന്നാണ് സന്തോഷ് ഈപ്പന്റെ ആരോപണം.എന്നാൽ ആരോപണം ചെന്നിത്തല തളളിയിരുന്നു.