ന്യൂഡൽഹി: രാജ്യത്തെ ഏറ്റവും കുറഞ്ഞ നിരക്കിലുള്ള ഡയഗ്നോസ്റ്റിക്​ സൗകര്യം ഡിസംബറിൽ ഡൽഹിയിലെ ഗുരുദ്വാര ബംഗ്ലാ സാഹിബിൽ പ്രവർത്തനം ആരംഭിക്കും. പാവപ്പെട്ടവർക്ക്​ എം.ആർ.​ഐയ്ക്ക് സ്കാനിംഗിന് 50 രൂപയും അല്ലാത്തവർക്ക്​ 800 രൂപയുമായിരിക്കും ചാർജ്. ഗുരുദ്വാര പരിസരത്ത്​ തന്നെയുള്ള ഹർക്രിഷൻ ആശുപത്രിയിൽ ഡയാലിസിസ്​ സെന്ററും ആരംഭിക്കും.

അടുത്ത ആഴ്​ച മുതൽ ചികിത്സ തുടങ്ങുമെന്നും ഡയാലിസിസിന് 600 രൂപ മാത്രമായിരിക്കും ഇൗടാക്കുകയെന്നും ഡി.എസ്​.ജി.എം.സി പ്രസിഡന്റ് മഞ്ജിന്ദർ സിംഗ് സിർസ​ പറഞ്ഞു. ആറ്​ കോടി രൂപ വില വരുന്ന ഡയഗ്നോസ്റ്റിക്​ ഉപകരണങ്ങൾ ആശുപത്രിക്ക്​ കൈമാറിയിട്ടുണ്ട്​.

എക്​സ് ​-റേയ്ക്കും അൾട്രാ സൗണ്ടിനും 150 രൂപയാണ്​ ഇൗടാക്കും. ആർക്കൊക്കെയാണ്​ ഇളവ്​ വരുത്തേണ്ടത്​ എന്ന കാര്യത്തിൽ തീരുമാനമെടുക്കാനായി ഒരു ഡോക്​ടർമാരുടെ കമ്മിറ്റി രൂപീകരിച്ചതായും സിർസ്​ പറഞ്ഞു.