ശ്രീനഗർ: ജമ്മുകാശ്‌മീരിലെ പുൽവാമയിൽ നടന്ന ഭീകരാക്രമണത്തിൽ രണ്ട് സി.ആർപി.എഫ് ജവാന്മാർക്ക് വീരമൃത്യു. പരിക്കേറ്റ അഞ്ച് ജവാന്മാരെ ആശുപത്രിയിലേക്ക് മാറ്റി. തെക്കൻ കാശ്‌മീരിലെ പുൽവാമയിൽ പാംപോർ ബൈപാസിന് സമീപത്താണ് ആക്രമണമുണ്ടായത്.
ഇന്നലെ ഉച്ചയ്‌ക്ക് 12.50 ഓടെയാണ് ഖാണ്ഡിജൽ പാലത്തിന്റെ ചുമതലയ്‌ക്കായി നിയോഗിച്ചിരുന്ന സി.ആർ.പി.എഫ് 110 ബറ്റാലിയൻ സംഘത്തിന് നേരെ ഭീകരർ വെടിയുതിർത്തത്. ആക്രമണം നടത്തിയ ഭീകരർക്കായുള്ള തെരച്ചിൽ തുടരുകയാണ്. പ്രദേശത്ത് ജാഗ്രതാ നിർദ്ദേശം പുറപ്പെടുവിപ്പിച്ചു. സൈന്യത്തിന്റെ പ്രത്യാക്രമണത്തിൽ ഭീകരർക്ക് തിരിച്ചടിയേറ്റോ എന്ന കാര്യത്തിൽ വ്യക്തത വന്നിട്ടില്ല. ഇത് സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല.