വാഷിംഗ്ടൺ:കൊവിഡ് ചികിത്സയിൽ കഴിഞ്ഞിരുന്ന അമേരിക്കൻ പ്രസിഡന്റ് ഡൊണാൾഡ് ട്രംപ് ആശുപത്രി വിട്ടു. 'ആശുപത്രി വിടുകയാണ്. കൊവിഡിനെ ഭയപ്പെടേണ്ട. ചികിത്സയ്ക്ക് ശേഷം 20 വര്‍ഷം ചെറുപ്പമായി.'-അദ്ദേഹം ട്വീറ്റ് ചെയ്തു. തുടർന്ന് വാൾട്ടർ റീഡ് നാഷണൽ മിലിട്ടറി ആശുപത്രിയിൽനിന്ന് ട്രംപ് വൈറ്റ് ഹൗസിലേക്ക് മടങ്ങി.

ആശുപത്രിക്ക് പുറത്തു കാത്തുനിന്ന അനുയായികളെ അദ്ദേഹം അഭിവാദ്യം ചെയ്തു. വാള്‍ട്ടര്‍ റീഡ് ആശുപത്രിയില്‍ നിന്ന് ഹെലികോപ്ടറിലാണ് ട്രംപ് വൈറ്റ്ഹൗസിലെത്തിയത്. തുടർന്ന് മാസ്ക് അഴിച്ചുമാറ്റി. മൂന്ന് ദിവസമാണ് ട്രംപ് ആശുപത്രിയിൽ കഴിഞ്ഞത്.

രോഗമുക്തി നേടാതെയാണ് പ്രസിഡന്റ് ആശുപത്രി വിടുന്നതെന്ന് ഡോക്ടർ അറിയിച്ചു. വൈകാതെ തന്നെ ട്രംപ് തിരഞ്ഞെടുപ്പ് പ്രചാരണ പരിപാടികളിൽ സജീവമാകും.ഒക്ടോബർ രണ്ടിനാണ് ട്രംപിനും, ഭാര്യ മെലാനിയയ്ക്കും കൊവിഡ് സ്ഥിരീകരിച്ചത്. രോഗലക്ഷണം കണ്ടതിനെ തുടർന്ന് നടത്തിയ പരിശോധനയിൽ ഫലം പോസിറ്റീവ് ആവുകയായിരുന്നു. ഉപദേശകയായ ഹോപ് ഹിക്‌സിന് കൊവിഡ് സ്ഥിരീകരിച്ചതിനെ തുടർന്ന് ഇരുവരും നിരീക്ഷണത്തിലായിരുന്നു.

I will be leaving the great Walter Reed Medical Center today at 6:30 P.M. Feeling really good! Don’t be afraid of Covid. Don’t let it dominate your life. We have developed, under the Trump Administration, some really great drugs & knowledge. I feel better than I did 20 years ago!

— Donald J. Trump (@realDonaldTrump) October 5, 2020