ഇസ്ലാമാബാദ് : ചായക്കടക്കാരനെയും തെരുവുഗായികയേയും ഒരു ദിവസം കൊണ്ട് പ്രശസ്തിയുടെ കൊടുമുടിയിൽ എത്തിക്കാൻ സമൂഹമാദ്ധ്യമത്തിനാവുമെന്ന് പലകുറി തെളിയിച്ചിട്ടുള്ളതാണ്. എന്നാൽ വർഷങ്ങൾക്ക് ശേഷം ഇവരുടെ ജീവിതം എത്തരത്തിലുള്ളതാവും എന്നത് അന്വേഷിക്കേണ്ടതാണ്. 2016 ൽ ഒരു ഫോട്ടോയിലൂടെ പ്രശസ്തനായ പാകിസ്ഥാനിലെ നീലക്കണ്ണുള്ള ചായക്കടക്കാരനെ ഓർക്കുന്നുണ്ടോ ? ജിയ അലി എന്ന ഫോട്ടോഗ്രാഫർ പകർത്തിയ ചിത്രത്തിലൂടെയായിരുന്നു അർഷദ് ഖാനെന്ന ചായ്‌വാലയുടെ ജീവിതത്തിന് മാറ്റം സംഭവിച്ചത്. മോഡലായും സിനിമനടനായും അദ്ദേഹത്തെ തിരഞ്ഞെടുത്തു എന്ന റിപ്പോർട്ടുകളും പിന്നാലെ വന്നിരുന്നു.

എന്നാൽ നാല് വർഷത്തിന് ശേഷം ഇതാ വീണ്ടും അർഷദ് ഖാൻ വാർത്തയാവുകയാണ്. ചായ്‌വാലയിൽ നിന്നും ഇസ്ലാമാബാദിൽ അദ്ദേഹം സ്വന്തം കഫെ തുറന്നു എന്നാണ് പുറത്ത് വരുന്ന റിപ്പോർട്ട്. കഫെ ചായ്വാല റൂഫ് ടോപ്പ് എന്നാണ് റസ്‌റ്റോറന്റിന് അദ്ദേഹം നൽകിയിരിക്കുന്ന പേര്. ചായ്വാല എന്ന വാക്ക് പേരിൽ നിന്നും നീക്കാൻ നിരവധി പേർ പറഞ്ഞുവെങ്കിലും അർഷദ് ഖാൻ അതിന് തയ്യാറായില്ല. വന്ന വഴി മറക്കരുതെന്നതും തന്റെ ഐഡന്റിറ്റി അതായതുമായിരുന്നു കാരണം.

سوشل میڈیا سے شہرت پا کر ٹی وی ڈرامے میں کام کرنے والے ارشد خان المعروف 'چائے والا' نے اسلام آباد میں ماڈرن طرز کا چائے کا ڈھابہ کھول لیا ہے جہاں وہ خود بھی خاص مہمانوں کے لیے چائے بنائیں گے۔ دیکھیے حارث خالد کی اس ڈیجیٹل رپورٹ میں#Pakistan #Chaiwala #ArshadKhan pic.twitter.com/DomhlfUfAJ

— Urdu News (@UrduNewsCom) October 3, 2020