മോഹൻലാലുമായി ഒരു ഫോട്ടോ പോലും ഒന്നിച്ചെടുത്തിട്ടിലെന്ന് മമ്മൂട്ടിയുടെ സഹോദരൻ ഇബ്രാഹിംകുട്ടി. 'ഇബ്രൂസ് ഡയറി ബൈ ഇബ്രാഹിംകുട്ടി' എന്ന വ്‌ലോഗിലൂടെയാണ് ഇബ്രാഹിംകുട്ടി ഓര്‍മ്മകള്‍ പങ്കുവച്ചത്.

'ഞാനും ലാലും ഭഗവാൻ എന്ന സിനിമയിൽ ഒരുമിച്ച് അഭിനയിച്ചിരുന്നു. അന്ന് ലാലുമായി കൂടുതൽ അടുക്കാനും സംസാരിക്കാനും സാധിച്ചിട്ടുണ്ട്. പക്ഷേ അങ്ങനെയൊക്കെ സംസാരിക്കുമമ്പോളും ഇച്ചാക്കയുടെ ഒരു സഹപ്രവർത്തകൻ എന്ന ബഹുമാനം എപ്പോഴും കൊടുത്തിട്ടുണ്ട്. അതു കൊണ്ട് ഒരു ഡിസ്റ്റൻസ് പാലിക്കാറുണ്ടായിരുന്നു.മാനസികമായി അല്ല ഒരു സാമൂഹിക അകലം പോലെ.

ഇച്ചാക്കയുടെ സഹപ്രവർത്തകൻ അല്ലെങ്കിൽ സഹോദര സ്ഥാനത്ത് കാണുന്ന ആളായത് കൊണ്ട് എപ്പോഴും ആ ബഹുമാനം ഉണ്ടാകാറുണ്ട്. പ്രായത്തിൽ ഞങ്ങൾ തമ്മിൽ അത്ര വ്യത്യാസം ഇല്ലെങ്കിൽ പോലും. അത്രയും പ്രശസ്തനായ ലാൽ ചില ഷൂട്ടിംഗിൽ സന്ദർഭങ്ങളിൽ പെരുമാറുന്നത് എത്ര ലളിതമായിട്ടാണെന്ന് ഞാൻ അന്തംവിട്ടിട്ടുണ്ട്. ഞാനും ലാലും കൂടെ ഒരു ഫോട്ടോ എടുത്തിട്ടുണ്ടോ എന്ന് ചോദിച്ചാൽ സത്യം പറഞ്ഞാൽ ഇല്ല. ഷൂട്ടിന് വരുമ്പോൾ അടുത്തുണ്ടാകുമെങ്കിൽ പോലും അങ്ങനെ ഒരു ചിന്ത മനസ്സിൽ വന്നിട്ടില്ല. നമ്മുടെ വീട്ടിൽ ഉള്ള, നമ്മൾക്ക് അടുപ്പമുള്ളയൊരാൾ, നമ്മുടെ സഹോദരനെ പോലെ ആണല്ലോ ലാൽ. ഇച്ചാക്കനെ ഇച്ചാക്കാ എന്ന് ‌ഞങ്ങളും വിളിക്കുന്നു ലാലും വിളിക്കുന്നു. അങ്ങനെയൊരാളോട് സെൽഫി എടുക്കട്ടെ എന്ന് ചോദുക്കുന്നേ മോശം അല്ലേ.'