ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം മൂന്നു കോടി അറുപത്തി മൂന്ന് ലക്ഷം കടന്നു. ഇതുവരെ 3,6380,873 പേർക്കാണ് വൈറസ് ബാധ സ്ഥിരീകരിച്ചത്. മരണസംഖ്യയും കുതിച്ചുയരുകയാണ്. 10,59,972 പേരാണ് മരിച്ചത്. രോഗമുക്തി നേടിയവരുടെ എണ്ണം 2,7395,785 ആയി ഉയർന്നു.

ഏറ്റവും കൂടുതൽ രോഗികളുള്ള അമേരിക്കയിൽ ഇതുവരെ എഴുപത്തിയേഴ് ലക്ഷത്തിലധികം പേർക്കാണ് കൊവിഡ് സ്ഥിരീകരിച്ചത്. 2,16760 പേർ മരണമടഞ്ഞു. രോഗമുക്തി നേടിയവരുടെ എണ്ണം നാൽപത്തിയൊമ്പത് ലക്ഷം പിന്നിട്ടു.

രാജ്യത്ത് ആകെ കൊവിഡ് രോഗികളുടെ എണ്ണം 67,57131 ആയി. കഴിഞ്ഞ 24 മണിക്കൂറിൽ 72,049 പേർ കൊവിഡ് രോഗികളായി. ഇന്നലെ 986 പേരാണ് കൊവിഡ് മൂലം മരിച്ചത്.ഇതോടെ ആകെ മരണം 1,04555 ആയി. 9,07883 പേരാണ് നിലവിൽ ചികിത്സയിലുള്ളത്.

കർണാടകത്തിൽ 9,993 പേർക്ക് കൂടി കൊവിഡ് സ്ഥിരീകരിച്ചതോടെ, രോഗികളുടെ എണ്ണം ആറര ലക്ഷം കവിഞ്ഞു. തമിഴ്‌നാട്ടിൽ 5,017 പേർക്കും മഹാരാഷ്ട്രയിൽ 12,258 പേർക്കും ആന്ധ്രയിൽ 5,795 പേർക്കും 24 മണിക്കൂറിനിടെ രോഗം സ്ഥിരീകരിച്ചു. അതേസമയം സംസ്ഥാനങ്ങളിൽ രോഗമുക്തി നേടുന്നവരുടെ എണ്ണത്തിൽ വർദ്ധന രേഖപ്പെടുത്തുന്നുണ്ട്.