ദുബായ്: ഇന്ത്യൻ പ്രീമിയർ ലീഗിന്റെ പതിമൂന്നാം സീസണിലെ 21ാം മത്സരത്തിൽ ചെന്നെെക്കെതിരെ കൊൽക്കത്തയ്ക്ക് 10 റൺസ് വിജയം. ടോസ് നേടി ആദ്യ ബാറ്റിംഗിനിറങ്ങിയ കൊൽക്കത്ത നെെറ്റ് റെെഡേഴ്സ് 20 ഓവറിൽ 167 റൺസ് നേടി. ഇത് പിന്തുടർന്ന ചെന്നെെ സൂപ്പർ കിംഗ്സ് 20 ഓവറിൽ അഞ്ച് വിക്കറ്റ് നഷ്ടത്തിൽ 157 റൺസിന് പുറത്താവുകയായിരുന്നു.

കൊൽക്കത്തയ്ക്ക് വേണ്ടി 51 പന്തിൽ 81 റൺസ് നേടി രാഹുൽ ത്രിപാ​ഠി മാൻ ഓഫ് ദ മാച്ചായി. കൊൽക്കത്ത ടീം ക്യാപ്ടൻ ദിനേഷ് കാർത്തിക്കിന് 11 പന്തിൽ 12 റൺസ് മാത്രമാണ് നേടാനായത്. ചെന്നെെയ്ക്ക് വേണ്ടി ആദ്യം ബാറ്റിംഗിനിറങ്ങിയ ഷെയിൻ വാട്സൺ 40 പന്തിൽ 50 റൺസ് നേടി. ചെന്നെെ ടീം ക്യാപ്ടൻ മഹേന്ദ്ര സിംഗ് ധോണി 12 പന്തിൽ 11 റൺസ് മാത്രമാണ് നേടിയത്.

ഈ ഐ.പി.എൽ സീസണിൽ ആദ്യമായാണ് ചെന്നെെ സൂപ്പർ കിംഗ്സും കൊൽക്കത്ത നെെറ്റ് റെെ‌ഡേഴ്സും തമ്മിലേറ്റുമുട്ടിയത്. ഈ മത്സരത്തിൽ കൂടി പരാജയപ്പെട്ടതോടെ ചെന്നെെയുടെ നാലാമത്തെ തോൽവിയാണിത്. കൊൽക്കത്തയുടെ മൂന്നാം വിജയവും.