തിരുവനന്തപുരം: സംസ്ഥാനത്ത് കൊവിഡ് രോഗികളുടെ എണ്ണം 10,000 കടന്നതോടെ രോഗികളുടെ വർദ്ധനയിലുള്ള ആശങ്ക കൂടാതെ കൊവിഡാനന്തര രോഗാവസ്ഥയും ആരോഗ്യവകുപ്പിന് വെല്ലുവിളി ഉയർത്തുന്നു. കൊവിഡ് രോഗം ഭേദമായവരിൽ 90 ശതമാനം പേർക്കും കൊവിഡാനന്തര രോഗാവസ്ഥ ഉണ്ടാകാമെന്നാണ് പഠനങ്ങളിൽ തെളിഞ്ഞത്.

കടുത്ത തലവേദന, ക്ഷീണം എന്നിവയിൽ തുടങ്ങി ഹൃദ്രോഗവും വൃക്കരോഗവും പക്ഷാഘാതവും വരെ ഉണ്ടാകാൻ സാദ്ധ്യതയുെണ്ടന്നാണ് പഠനങ്ങൾ തെളിയിക്കുന്നതെന്ന് ഈ രംഗത്തെ വിദഗ്ദ്ധർ പറയുന്നു. 30 ശതമാനം പേർക്കും മൂന്നു മാസം വരെ സമാനമായ രോഗാവസ്ഥ തുടരാനും സാദ്ധ്യതയുണ്ട്. ശ്വാസകോശത്തെ ബാധിക്കുന്ന വൈറസ് എന്ന നിലയിൽ നിന്ന് ശരീരത്തെയാകെ ബാധിക്കുന്ന തരത്തിലേക്ക് കൊവിഡ് വൈറസ് മാറിയിട്ടുണ്ടെന്നും വിദഗ്ദ്ധർ സൂചിപ്പിച്ചു.

എ​ൻ​സൈം - വൈ​റ​സ് കൂ​ട്ടു​കെ​ട്ട്​

ഹൃ​ദ​യ​ത്തിന്റെ സാ​ധാ​ര​ണ നി​ല​യി​ലും വി​വി​ധ രോ​ഗാ​വ​സ്ഥ​യി​ലും ഉ​ള്ള പ്ര​വ​ർ​ത്ത​ന​ത്തി​ൽ നി​ർ​ണാ​യ​ക​ പ​ങ്കുള്ള

ആ​ന്റിജ​ൻ​സി​ൻ ക​ൺ​വേ​ർ​ട്ടിംഗ് എ​ൻ​സൈം-2 (എ.​സി.​ഇ-2) എന്ന എ​ൻ​സൈ​മായി ചേർന്നാണ് കൊവി​ഡ് വൈ​റ​സ് ശരീര കോ​ശ​ങ്ങ​ളി​ൽ എത്തുന്നത്. ഈ ​എ​ൻ​സൈം - വൈ​റ​സ് കൂ​ട്ടു​കെ​ട്ട്​ ശ​രീ​ര​ത്തി​ൽ എ.​സി.​ഇ-2 ന​ട​ത്തു​ന്ന പ്ര​വ​ർ​ത്ത​ന​ങ്ങ​ളെ ദോ​ഷ​ക​ര​മാ​യി ബാ​ധി​ക്കു​ക​യും അ​ത് ഹൃ​ദ​യ പേ​ശി​ക​ളി​ൽ ബലക്കുറവ് അടക്കമുള്ള പ്രശ്നങ്ങൾക്ക് കാരണമാകുകയും ചെയ്യും.

മ​ൾ​ട്ടി സി​സ്​​റ്റം ഇ​ൻ​ഫ്ല​മേ​റ്റ​റി സി​ൻ​ഡ്രോം
കൊവിഡ് ഭേദമായ കു​ഞ്ഞു​ങ്ങ​ളി​ൽ ഹൃ​ദ​യം അ​ട​ക്കം വി​വി​ധ അ​വ​യ​വ​ങ്ങ​ളെ ബാ​ധി​ക്കു​ന്ന തു​ട​ർ​രോ​ഗാ​വ​സ്ഥ​യ്ക്കും വലിയ സാദ്ധ്യതയാണുള്ളത്. ശ്വാ​സ​കോ​ശ​ത്തി​ന്​ പു​റ​മേ ര​ക്​​ത​ക്കു​ഴ​ലു​കളെയും കൊവിഡ് ബാധിച്ചേക്കാം. പിന്നീട് ഇത് ശരീരത്തിലെ വിവി​ധ ഭാഗങ്ങളിലേക്കുള്ള ര​ക്​​ത വി​ത​ര​ണ​ത്തെ ബാ​ധി​ക്കു​​കയും അത് മറ്റ് പല രോഗാവസ്ഥകൾക്കും കാരണമാകാമെന്നും പഠനങ്ങളിൽ പറയുന്നു. കൊ​വി​ഡ്​ ദേ​ഭ​മാ​യി ര​ണ്ടാ​ഴ്​​ച മു​ത​ൽ ഒ​രു

മാ​സം വ​രെ​യു​ള്ള കാ​ല​യ​ള​വി​ലാ​ണ്​ മ​ൾ​ട്ടി സി​സ്​​റ്റം ഇ​ൻ​ഫ്ല​മേ​റ്റ​റി സി​ൻ​ഡ്രോം (പ​ല​വി​ധ അ​വ​യ​വ​ങ്ങ​ളെ ബാ​ധി​ക്കു​ന്ന നീ​​ർ​ക്കെ​ട്ട്) എ​ന്ന രോ​ഗാ​വ​സ്​​ഥ ഉണ്ടാകുന്നത്.